Aktyvistki ŭkrainskaha ruchu Femen cpiłavali na art-feście ŭ Hałandyi śpiecyjalna ŭstalavanyja kryžy, havorycca na sajcie ruchu.
«Tajamnicaj śviatoha kryžapiłavańnia ŭ vykanańni pryznanych majstroŭ adkryŭsia druhi dzień vośmaha hałandskaha art-festu GOGBOT, pryśviečany hrupie Pussy Riot. Sekstremistki z FEMEN pad avacyi haściej fiestyvalu pakazalna śpiłavali try aŭtarskija kryžy, papiarednie ŭstalavanyja arhanizatarami», - havorycca ŭ paviedamleńni.
Adna z aktyvistak ruchu Ina Šaŭčenka paraŭnała kryžy «z stremkaj u ciele cyvilizacyi», a bienzapiłu - sa skalpielem chirurha, zaklikanaha dapamahčy chvoramu.
«FEMEN majuć namier i dalej biaźlitasna vypiłoŭvać idałaŭ patryjarchatu, vykonvajučy misiju sanitaraŭ historyi», - zajavili aktyvistki.
Aktyvistki ruchu Femen atrymali viadomaść dziakujučy epatažnym akcyjaŭ pratestu. Siarod apošnich akcyj Femen -- śpiłoŭvańnie Pakłonnaha kryža niepadalok ad majdana Niezaležnaści ŭ Kijevie.