Z 11 vieraśnia prysud Źmitru Daškieviču, jakomu dadali hod źniavoleńnia nibyta za niepadparadkavańnie, ustupiŭ u siłu. Aktyvist nie pryznavaŭ zakonnaść prysudu i nie staŭ jaho abskardžvać. Siońnia byŭ raspaŭsiudžany zvarot 114 kandydataŭ u deputaty, jakija pastavili svaje podpisy pad patrabavańniem terminova vyzvalić Źmitra Daškieviča dy inšych palitviaźniaŭ. Siarod inšaha ŭ zvarocie skazana:
«Pieraśledavani, jakija zaznaje Daškievič, nosiać vyrazna palityčny charaktar i supiarečać mižnarodnym abaviazańniam Biełarusi, u pryvatnaści, pa niedapuščeńni žorstkaha i biesčałaviečnaha abychodžańnia i pakarańnia, — upeŭnienyja biełaruskija i mižnarodnyja pravaabaroncy.
My, kandydaty ŭ deputaty pałaty pradstaŭnikoŭ nacyjanalnaha schodu Biełarusi, pradstaŭlajem roznyja demakratyčnyja partyi i ruchi. U nas mohuć być svaje pohlady na budučyniu našaj krainy, roznyja stratehii ŭdziełu ŭ vybarčaj kampanii. Ale ŭsich nas abjadnoŭvaje imknieńnie damahčysia taho, kab Biełaruś zrabiłasia demakratyčnaj krainaj biez palicejskaha pieraśledu inšadumcaŭ, biez palityčnych źniavolenych. Tamu my zajaŭlajem:
Svabodu Źmitru Daškieviču!
Svabodu palitviaźniam! Svabodu Mikałaju Statkieviču, Mikałaju Aŭtuchoviču, Paŭłu Sieviaryncu, Alesiu Bialackamu, Eduardu Łobavu, Siarhieju Kavalenku, Vasilu Parfiankovu, Iharu Alinieviču, Alaksandru Franckieviču, Mikałaju Dziadku, Jaŭhienu Vaśkoviču, Paŭłu Syramałotavu, Arciomu Prakapienku!»
Zvarot padpisali 114 kandydataŭ u deputaty, siarod ich viadomyja palityki i hramadskija dziejačy Ryhor Kastusioŭ, Alaksiej Janukievič, Valeryj Uchnaloŭ, Anatol Labiedźka, Juryj Chaščavacki, Leŭ Marholin, Stanisłaŭ Bahdankievič, Mikałaj Kazłoŭ dy inšyja.
Poŭny śpis kandydataŭ, što padpisalisia pad zvarotam
