Kryminalnaja sprava raspačata ŭ dačynieńni da namieśnika načalnika trubaprakatnaha cecha AAT «Biełaruski mietałurhičny zavod» u Žłobinie.
«Padazravany, ustupiŭšy ŭ zmovu ź niavyznačanymi asobami, z terytoryi zavoda sprabavaŭ skraści dva padšypniki ahulnym koštam bolš za 32 młn»,— rastłumačyli va ŭpraŭleńni Śledčaha kamiteta pa Homielskaj vobłaści.
Sprava rasśledujecca Žłobinskim rajadździełam SK. Jana zaviedziena pa č. 1 art. 14, č. 3 art. 210 KK (zamach na kradziež šlacham złoŭžyvańnia słužbovymi paŭnamoctvami, ździejśnienaje hrupaj asobaŭ pa papiaredniaj zmovie ŭ bujnym pamiery). U dačynieńni da padazravanaha abranaja miera strymańnia ŭ vyhladzie zaklučeńnia pad vartu.
U USK dadali, što ŭžo dapytanyja śviedki, praviedzienyja pieratrusy pa miescy žycharstva padazravanaha i inšych fihurantaŭ kryminalnaj spravy. Nakładzieny aryšt na majomaść padazravanaha, pryznačanaja revizija pa cechu.
0
0
0
0
0
0
