Pavodle pradstaŭnika Svabodnaha prafsajuza, rabotnika pradpryjemstva «Škłovałakno» Mikoły Šaracha, rabočyja vinarobčaha zavoda vyrašyli pakinuć aficyjny prafsajuz u znak pratestu.Spadar Šarach pravodziŭ schod, dzie prymałasia rašeńnie stvaryć «piarvičku» SPB:
«Na vinarobčym zavodzie prachodziŭ schod pracoŭnaha kalektyvu. Dyrektar Alaksandar Masałaŭ nie puskaŭ mianie na zavod, choć pra heta była papiaredniaja damoŭlenaść. Daviedaŭšysia, što mianie nie prapuskajuć, niekalki dziasiatkaŭ rabočych pakinuli schod i vyrašyli sabracca na prachadnoj. Tam i było pryniata rašeńnie, kab stvaryć Svabodny prafsajuz. Sa svajho boku ja hatovy kansultavać, jak heta robicca. Na "Škłovałaknie" Svabodny prafsajuz dziejničaje ŭžo nie adzin dziasiatak hadoŭ».
Mikoła Šarach kaža, što ciapier na vinarobčy zavod pieryjadyčna naviedvajucca supracoŭniki KDB — šukajuć zavadataraŭ vychadu z aficyjnaha prafsajuza.
Prychodziać z pravierkami i z harvykankama, a administracyja pradpryjemstva abiacaje vypłacić premii, kali rabočyja pahodziacca viarnucca nazad u halinovy prafsajuz.
0
0
0
0
0
0
