Nie zabivaje Drahun, zabivaje — Kapu 7

Na žal, pryvieźci pieramohu z «Stad de Franas» chłopcam Kandraćjeva nie atrymałasia. Dva ž hady nazad na hetym stadyjonie biełarusy ŭžo vyjhravali ŭ Francyi. Adziny hoł tady zabiŭ Siarhiej Kiślak, vyjšaŭ jon na pole i siońnia. Praŭda, trenieram tady byŭ niemiec Biernd Štanhie.

Zbornaja Biełarusi pačała adbor da čempijanata śvieta-2014 ź dźviuch paraz. Vidać, varta zhadzicca z nastaŭnikam kamandy, što šancaŭ na vychad my pazbavilisia ŭžo ŭ pačatku cykła.

Pieršy tajm u Sen-Deni naša zbornaja hieraična abaranialisia. Cudy samaachviarnaści demanstravaŭ Siarhiej Vieramko, novy kapitan zbornaj. Ahulnymi namahańniami atrymałasia adbicca. Hetuju pałovu hulni my nie prajhrali — 0:0.

Druhi tajm biełarusy pačali z atak. Najvydatniejšy momant zaparoŭ Stanisłaŭ Drahun. Na kuražy biełarusy imknulisia zabić, ale prapuścili sami. Adznačyŭsia Kapu, pieradaču jamu vykłaŭ Frank Rybiery.

Uvohule ž francuzski paŭabaronca «Bavaryi» ŭziaŭ udzieł va ŭsich hałach svajoj kamandy. Na 68-aj jon asistavaŭ Krystofu Žyle, a na 81-aj adznačyŭsia sam.

U pramiežku pamiž druhim i trecim hołam «trochkalarovych» adznačylisia i biełarusy. U štrafnoj zavalili Antona Puciłu. Pienalci ŭziaŭsia bić Siarhiej Karnilenka, ale biaschitrasna. Varatar, na naša ščaście, adbiŭ prosta na nahu Puciłu. Vynikovy lik — 3:1.

Stanovišča ŭ našaj hrupie nastupnaje: Francyja — 6 punktaŭ (2 hulni), Ispanija — 3 (1), Hruzija — 3 (2), Finlandyja — 0 (1), Biełaruś — 0 (2).

Nastupnyja hulni biełarusy praviaduć u kastryčniku doma ź Ispanijaj i Hruzijaj.

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH