Biełaruskija vučonyja vyvieli transhiennuju biarozu 13

Pra heta na pres-kanfierencyi 12 vieraśnia paviedamiŭ dyrektar Instytuta lesu NAN Biełarusi Alaksandr Kavalevič.

Pavodle jaho słoŭ, u skład instytuta ŭvachodzić łabaratoryja hienietyki i bijatechnałohij. «Heta ŭnikalnaja dla krain SND łabaratoryja, tamu što ich raspracoŭki na postsavieckaj prastory ŭnikalnyja, i łabaratoryja vyjšła na suśvietny ŭzrovień», — zaznačyŭ Kavalevič.

Łabaratoryja zajmajecca ŭ tym liku hiennaj inžynieryjaj.

«Siońnia my sumiesna z rasijskimi kalehami ź Instytuta bijaarhaničnaj chimii pačali stvarać transhiennyja raśliny. Atrymana pieršaja — transhiennaja biaroza. Ja dumaju, što my ŭ hetym kirunku pojdziem dalej», — paviedamiŭ Kavalevič. Pry hetym jon zaznačyŭ, što «heta nie aznačaje, što transhiennyja raśliny adrazu buduć ukaraniacca ŭ praktyku». «Jany nikudy za miežy łabaratoryi nie vyjduć. Ale treba razumieć, što, kali my nie budziem pracavać u hetym kirunku, my nie budziem ruchacca ŭ śfiery hienietyki. Kali my pracujem u hiennaj inžynieryi, my spaścihajem bolšaje i nie adstajem ad suśvietnaj praktyki», — padkreśliŭ Kavalevič.

Jon zaznačyŭ, što supracoŭnictva z rasijskim instytutam pravodzicca ŭ suviazi z tym, što tam stvorany centr pa kłaniravańni raślin. «Jany kłanirujuć dastatkovuju kolkaść raślin, ale draŭnianymi parodami nikoli nie zajmalisia, tamu jany pačali supracoŭničać z našym instytutam. My źmianili hienietyčnuju kancepcyju i pačali vykarystoŭvać hienietyčnyja kanstrukcyi z Rasii», — patłumačyŭ dyrektar instytuta.

Pavodle jaho słoŭ, zaraz idzie praca nad atrymańniem transhiennaj trypłoidnaj biarozy. «Heta raślina nie budzie zdolnaja da pramoha razmnažeńnia.

Tym samym my faktyčna zaścieražom siabie ad skryžavańnia ź inšymi biarozami i my, tym samym, nie budziem abvinavačany ŭ hienietyčnym skryžavańni ŭ našych lasnych nasadžeńniach. Jašče raz paŭtaru, što atrymańnie transhiennych raślin pravodzicca tolki z metaj vyvučeńnia», — zaznačyŭ dyrektar instytuta.

Jon paviedamiŭ, što łabaratoryja taksama pravodzić hienietyčnuju pašpartyzacyju abjektaŭ nasiennaj bazy. Praktyčna zaviaršyli hienietyčnuju pašpartyzacyju dubroŭ. Raspracavanyja mietady ŭ śfiery vyjaŭleńnia patahiennych infiekcyj lasoŭ. Stvarajecca nacyjanalny bank patahiennych infiekcyj, u jaki ŭvachodziać kala 110 hienietyčnych pašpartoŭ, u tym liku 15 — dyjahnastavanyja ŭpieršyniu. Jany pieradadzieny ŭ Mižnarodny bijatechnałahičny centr u Ńju-Jorku.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH