Jak paviedamiŭ lidar Abjadnanaj hramadzianskaj partyi, incydent adbyŭsia 12 vieraśnia ŭ Minsku kala adnaho z pasolstvaŭ.
«U mianie była zapłanavana sustreča, na jakuju ja spaźniaŭsia, tamu aŭtamabil pryparkavaŭ aby-jak. Paśla sustrečy ja vyjšaŭ na vulicu — aŭtamabila niama. Pobač stajać aŭtaamatary, jakija mnie patłumačyli, što padjechaŭ evakuatar i maju mašynu zabrali. Pryčym metanakiravana — ich mašyny, taksama niapravilna pryparkavanyja, nie čapali», — zajaviŭ Labiedźka.
«Paśla taho jak ja nazvaŭsia, hetyja ludzi, jakich, darečy, zapisali śviedkami majoj niapravilnaj parkoŭki, skazali: «Usio zrazumieła, čamu tolki adnu mašynu zabrali», — adznačyŭ palityk.
Sam jon ličyć heta «drobnym paskudstvam» padčas pieradvybarnaj kampanii. «Zrazumieła, što byŭ sarvany moj hrafik sustreč, z-za adsutnaści mašyny mnie pryjšłosia try ź ich admianić. Ale mašynu sa štrafstajanki ja ŭžo zabraŭ i budu pracavać dalej», — skazaŭ Labiedźka.
