Za žnivień na valutnym rynku nabyli na $220 młn bolš, čym pradali 8

Zhodna sa źviestkami Nacbanka pra situacyju na valutnym rynku, u žniŭni abjom kupli valuty nasielnictvam i kampanijami pieravysiŭ abjom prodažu.

Biełarusy za miesiac zdali $619,6 miljona, a nabyli $716,4 miljona. Abodva pakazčyki — maksimum ad pačatku hoda. U vyniku salda kupli valuty nasielnictvam skłała $96,8 miljona.

Takaja tendencyja — pieravyšeńnie abjomaŭ kupli nad prodažam — nazirajecca ŭžo treci miesiac zapar. Za hety čas na čystaj asnovie było nabyta bolš za $300 miljonaŭ.

Jurasoby-nierezidenty znoŭ stali čystymi kupcami valuty. Z ulikam zakryćcia svop-ździełki z Kitajem na $1 miljard imi było nabyta $1,036 miljarda.

Adnak i biełaruskija kampanii skuplali valutu. Abjom nabytaj valuty vyras amal na paŭmiljarda dalaraŭ i dasiahnuŭ $2,19 miljarda za žnivień. U vyniku salda kupli skłała $86,7 miljona.

Takim čynam,

ahułam na valutnym rynku było nabyta na $220 miljonaŭ bolš, čym pradadziena (biez uliku svop-pahadnieńnia ŭ Kitajem). Kali ŭ nastupnyja miesiacy tendencyja zachavajecca, Nacbank budzie vymušany ŭkidvać na tarhi zołatavalutnyja reziervy albo devalvavać rubiel.

0

0

0

0

0

0

JAM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH