Staršynia Kleckaha rajvykankama Anatol Bojka znajšoŭ aryhinalny sposab raspaŭsiudžvańnia svaich ahitacyjnych ulotak. Miedyki «chutkaj dapamohi» razdajuć ich pacyjentam i navat minakam.
Miascovy žychar Viktar Daškievič raspavioŭ «Narodnoj vole»: «Jedu ja sabie na rovary i raptam mianie abhaniaje „chutkaja“ i spyniajecca. Hladžu: vychodzić čałaviek, za im druhi. Abodva ŭ biełych chałatach i da mianie. Nu, dumaju, zabrać mianie chočuć. A jany dajuć mnie ŭlotki ahitacyjnyja pra kandydata Bojku.
Kažuć, što im daručyli razdavać hetyja ŭlotki, voś jany i dajuć ich kožnamu, kaho bačać. Jeździać pa vulicach i voś čym zajmajucca.Moža, u ich inšaj pracy niama? Nie viedaju, moža, i vieterynarnaj słužbie daručyli razdavać ulotki. Pryjeduć da karovy i ŭručać usim, chto pobač».
0
0
0
0
0
0
