Budaŭnictva biełaruskaj AES pačniecca ŭ červieni 2013 h. 3

Asnoŭny pieryjad budaŭnictva na Biełaruskaj AES (Astraviecki rajon, Hrodzienskaja vobłaść) płanujecca pačać 15 červienia 2013 hoda.

Pra heta havorycca ŭ paviedamleńni adździeła pa suviaziach z hramadskaściu i infarmacyjnaj palitycy rasijskaj abjadnanaj kampanii AAT «NIAEP» — ZAT «Atambudekspart» — hienieralnaha prajekciroŭščyka stancyi i hienieralnaha padradčyka jaje budaŭnictva.

U paviedamleńni havorycca, što 12 vieraśnia adbyłosia pasiadžeńnie šostaha apieratyŭnaha štaba pa budaŭnictvie Biełaruskaj AES pad staršynstvam pieršaha vice-premjera Biełarusi Uładzimira Siamaški. U pracy štaba ŭziali ŭdzieł pradstaŭniki biełaruskaha ŭrada, zamoŭca zbudavańnia — HU «Dyrekcyja budaŭnictva atamnaj elektrastancyi», kampanii AAT «NIAEP» — ZAT «Atambudekspart», biełaruskich padradnych arhanizacyj, administracyi Hrodzienskaj vobłaści.

Paviedamlajecca, što ciapier na budaŭničaj placoŭcy iduć raboty pa raspracoŭcy katłavana enierhabłoka № 1.

Da 20 listapada 2012 hoda na katłavanie treba zaviaršyć vykanańnie płastavaha drenažu, jaki adnačasova źjaŭlajecca abaronaj ad pramiarzańnia asnovy katłavana.

«Raboty na katłavanie viaducca ŭ adpaviednaści z hrafikam: bietanirujucca „pazuchi“ katłavana i idzie padrychtoŭka da kładki bietona płastavaha drenažu. Užo pakładziena bolš jak 5,5 tys. kubamietraŭ bietonu, što składaje 21% ad abjomu płastavaha drenažu», — adznačyŭ namieśnik dyrektara AAT «NIAEP» — dyrektar pradstaŭnictva ŭ Biełarusi Juryj Pustavy.

Ciapier raboty viaducca na 62 abjektach, 14 ź jakich płanujecca zdać u 2012 hodzie.

Na placoŭcy zadziejničana prykładna 200 adzinak budaŭničaj techniki i pracujuć bolš jak 800 rabočych. U 2013 hodzie płanujecca razharnuć raboty na 35 abjektach.

Kiraŭnik abjadnanaj kampanii AAT «NIAEP» — ZAT «Atambudekspart» Valeryj Limarenka padkreśliŭ: «My zacikaŭlenyja ŭ tym, kab najvažniejšy dla Biełarusi enierhietyčny abjekt byŭ pabudavany ŭ termin».

Dla budaŭnictva biełaruskaj AES vybrany prajekt rasijskaj kampanii «Atambudekspart». Stancyja budzie składacca z dvuch enierhabłokaŭ sumarnaj mahutnaściu da 2.400 MVt. Uvod u ekspłuatacyju pieršaha błoka zapłanavany na listapad 2018 hoda, druhoha — na lipień 2020-ha. Pad budaŭnictva AES Rasija vydzialaje Biełarusi lhotny dziaržkredyt da 10 miljardaŭ dołaraŭ na 25 hadoŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH