Abjom inviestycyj u asnoŭny kapitał źniziŭsia na 16%

U studzieni-žniŭni 2012 hoda vykarystana 85,8 trłn. rubloŭ inviestycyj u asnoŭny kapitał, što ŭ supastaŭnych cenach na 15,9% mienš, čym za anałahičny pieryjad minułaha hoda, paviedamlaje Biełstat.

Za hety pieryjad budaŭniča-mantažnyja raboty vykanany na 42,1 trłn. rubloŭ, što ŭ supastaŭnych cenach taksama na 15,9% mienš, čym u studzieni-žniŭni 2011 hoda.

Za vosiem miesiacaŭ hetaha hoda inviestycyi na nabyćcio mašyn, abstalavańnia, transpartnych srodkaŭ skłali 36,2 trłn. rubloŭ, abo 42,2% ahulnaha abjomu inviestycyj i 81,6% — da ŭzroŭniu studzienia-žniŭnia 2011 hoda. Na dolu impartnych mašyn, abstalavańnia, transpartnych srodkaŭ prypała 52,9% hetych inviestycyj. Ź impartnaha abstalavańnia 34,5% nabyta na terytoryi Biełarusi.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH