«Spadziajusia, što abstanoŭka na vybarach budzie spakojnaja, razumnaja, paśpiachovaja», — zajaviła 18 vieraśnia ŭ Minsku žurnalistam staršynia Centrvybarkama Lidzija Jarmošyna.
«Heta pojdzie tolki na karyść dziaržavie», — padkreśliła jana.
Jarmošyna adznačyła, što ŭ pieršy dzień daterminovaha hałasavańnia «naŭrad ci na ŭčastkach budzie čarha».
«Ludzi pakul razvarušvajucca. Ale, dumaju, piensijaniery pojduć na ŭčastki, jany lubiać hałasavać daterminova», — skazała jana.
Kiraŭnik CVK paviedamiła, što, «zychodziačy z praktyki, daterminova ŭ Biełarusi hałasuje 25–27% vybarščykaŭ. «Šmat tut zaležyć ad kankurencyi na vybarčym učastku. U 2004 hodzie parłamienckija vybary prachodzili adnačasova z refierendumam, i heta stymulavała jaŭku. Ciapier, moža być, nie ŭsie bulbu vykapali, tamu heta taksama budzie stymulavać prahałasavać daterminova», — ličyć jana.
Daterminovaje hałasavańnie budzie prachodzić na praciahu piaci dzion: z 18 pa 22 vieraśnia. 23 vieraśnia — asnoŭny dzień hałasavańnia.
0
0
0
0
0
0
