Kala 17 hadziny blizu płoščy Kalinina byli zatrymanyja niezaležnyja teležurnalisty Viačasłaŭ Piaško i Valancin Michalcoŭ.
Žurnalisty, adzin ź jakich – Viačasłaŭ Piaško – źjaŭlajecca siabram HA «BAŽ», pravodzili zdymki na vulicyi, padčas čaho da ich padyšli milicyjanty i pačali zatrymlivać. Pra heta paviedamlaje pres-słužba HA «BAŽ».
U hetyja chviliny Viačasłaŭ Piaško i Valancin Michalcoŭ dastaŭleny u aporny punkt achovy paradku na vulicy Kuźmy Čornaha dla vyśviatleńnia asobaŭ.
***
Nahadajem, što siońnia apoŭdni la ŭniviersama «Frunzienski» ŭ Minsku padčas pikietu, ładžanaha moładzievym kryłom kampanii «Havary praŭdu!» — «Zmena» byli zatrymanyja teleapieratar Alaksandr Barazienka, fotakarespandenty Siarhiej Hryc (Associated Press), Vasil Fiadosienka (Reuters), Taćciana Ziankovič (EPA) i Pavieł Padabied (BiełaPAN), a taksama aktyvisty «Zmieny» Alaksandr Arcybašaŭ i Pavieł Vinahradaŭ.
Padčas pikieta aktyvisty «Zmena» mielisia zładzić simvaličnuju razdaču baršču.
Paśla pačatku pikieta da ŭdzielnikaŭ i žurnalistaŭ padbiehli nieviadomyja, pačali źbivać i zatrymlivać usich prysutnych. Dźvie hadziny z žurnalistami nie było suviazi, kiraŭnictva minskaj milicyi admaŭlała fakt zatrymańnia.
