Jak budzie raźvivacca hety novy dla Biełarusi miechanizm dziaržpadtrymki? Pra heta padčas «kruhłaha stała» ŭ haziecie «Respublika» raskazaŭ načalnik upraŭleńnia žyllovaj palityki Ministerstva architektury i budaŭnictva Alaksandr Horval. Ź jaho słovaŭ, atrymać arendnuju kvateru možna budzie na nieabmiežavany termin. Ale ŭ takim vypadku čałaviek budzie vykraśleny sa śpisu čarhavikoŭ.
«Kali supastavić ceny na arendnaje žyllo z koštam budaŭnictva kvater navat pa lhotnych kredytach, atrymlivajecca, što pieršaje značna bolš dastupnaje, — adznačaje Alaksandr Horval. —
Jość cełaja hrupa nasielnictva, jakaja nie moža pabudavać svajo žyllo navat pa lhotnym kredycie, nie kažučy pra kamiercyjny. Arendnaje žyllo vyrašyła b kvaternaje pytańnie dla takich ludziej.Jany mahli b syści sa śpisu čarhavikoŭ, atrymać arendnaje žyllo i žyć tam usio žyćcio. Sistema tam vielmi łajalnaja: pastajannaja prałanhacyja arendy, kali niama parušeńniaŭ paradku karystańnia pamiaškańniem. Dzieci mohuć praciahvać arandavać — praces biaskoncy».
Zhodna z kancepcyjaj žyllovaj palityki, budavacca arendnaje žyllo ŭ Biełarusi budzie dynamična: 110 tysiač kv.m u 2013 hodzie, 180 — u
«Abjomy pakaža praktyka. My pakul havorym pra toj abjom arendnaha žylla, kali nie acenienaja navat linija pavodzinaŭ nasielnictva, — kaža Horval. — Jość jašče adzin momant: nieabchodny čas, kab ludzi pryvykli da taho, što jość takaja sistema. Prykład z asabistaha dośviedu. Kali prymaješ hramadzian, prapanuješ im arendnaje žyllo, u adkaz čuješ: „Nu nie, arenda mnie nie padychodzić: što ja svaim dzieciam pakinu?“
Hady, ciaham jakich my dakazvali, što nieabchodna być ułaśnikam žylla, nakłali svoj adbitak. Ciapier patrebnyja hady, kab pierakanać ludziej u advarotnym.Heta praces iniercyjny».
Sa słovaŭ Alaksandra Horvala, pryciahnieńnie pryvatnaha inviestara padčas budaŭnictva arendnych damoŭ — najbližejšaja pierśpiektyva Biełarusi. Razam z tym śpiecyjalist adznačaje: termin akupnaści arendnych damoŭ davoli praciahły — 25–30 hadoŭ, a bolšaść pryvatnych budaŭničych kampanij Biełarusi siońnia nie majuć dastatkovaha ŭłasnaha kapitału dla budaŭnictva arendnaha žylla pad kluč.
