23 vieraśnia sustreŭ svaje dziasiatyja ŭhodki adziny ŭ krainie niezaležny časopis biełaruskaj mastackaj litaratury «Dziejasłoŭ». Ciaham usich hadoŭ vydańnie ŭznačalvaje jaho hałoŭny redaktar Barys Piatrovič.
Pieršy numar «Dziejasłova» byŭ prezientavany ŭ 2002 hodzie padčas
U tłumačalnaj pradmovie da numaru jaho stvaralniki pisali:
«Siońnia biełaruskich litarataraŭ chočuć padzialić na „svaich“ i „čužych“. „Dziejasłoŭ“ suprać usialakich padziełaŭ. „Dziejasłoŭ“ — vydańnie adkrytaje dla ŭsich. U hetym možna pierakanacca pa pieršym vypusku. Usio vartaje: talenavitaje, admietnaje, ščyraje, śmiełaje — budzie drukavacca na staronkach vydańnia. „Dziejasłoŭ“ pastarajecca nie rasčaravać ni svaich siabroŭ, ni svaich vorahaŭ. Kryteryjem dla „Dziejasłova“ budzie najpierš litaraturnaja vartaść i jakaść tvoru, a nie palityčnaja zaanhažavanaść. „Dziejasłovu“ impanuje adziny nieasprečny pryncyp — słužeńnie na karyść rodnaj Biełarusi: žyćcio karotkaje — Radzima viečnaja!»
Va ŭsich svaich numarach časopis zaŭždy trymaŭsia pryncypaŭ, zakładzienych na samym pačatku.
Za čas svajho isnavańnia «Dziejasłoŭ» nadrukavaŭ sotni cikavych prazaičnych i paetyčnych tvoraŭ, krytyčnych artykułaŭ, adkryŭ niamała maładych litaraturnych talentaŭ.
U kastryčniku hetaha hoda pabačyć śviet «Dziejasłoŭ» № 60.
