Lidar Abjadnanaj hramadzianskaj partyi Anatol Labiedźka prapanoŭvaje biełaruskamu telebačańniu pradoŭžyć praktyku teledebataŭ pradstaŭnikoŭ ułady i apazicyi. Pra heta jon zajaviŭ 25 vieraśnia napres-kanfierencyi ŭ Minsku.
Pavodle jaho słoŭ, biełaruskaje telebačańnie «zrabiła vialiki ŭkład u papularyzacyju idej bajkotu». «Navat učora ja hladzieŭ prahramu pa dziaržaŭnym telebačańni, u jakoj biez udziełu apazicyi, ale tracinu času havaryli pra bajkot», — skazaŭ Labiedźka.
«Niahledziačy na toje što bolšaść z našych śpikieraŭ nie vystupili na telebačańni, usio adno ludzi, jakija sustrakali mianie, cikavilisia prablemami palitźniavolenych, havaryli pra vybary. Biełaruskamu telebačańniu treba skazać dziakuj», — adznačyŭ Labiedźka.
«My adkrytyja dla dyjałohu. Davajcie pradoŭžym tuju dyskusiju, tyja debaty, pra jakija šmat havaryła spadarynia Jarmošyna. Ličycie, što heta aficyjnaja prapanova ŭsim biełaruskim telekanałam, jakuju ja ahučvaju ad imia siami palityčnych struktur, što vystupali za bajkot vybaraŭ. Davajcie pradoŭžym debaty, pradoŭžym hutarku i pra ekanomiku, i pra refarmavańnie palityčnaj sistemy, i ŭ tym liku pra refarmavańnie vybarčaj sistemy», — zajaviŭ lidar AHP.
0
0
0
0
0
0
