Andreja Čarniakieviča, dacenta Hrodzienskaha ŭniviersiteta, adnaho z aŭtaraŭ našumiełaj knihi «Hrodnaznaŭstva» siońnia ŭniviersitecki prafkam dazvoliŭ najmalniku zvolnić z pracy. Aficyjnaja farmuloŭka: za sistematyčnaje parušeńnie pracoŭnaj dyscypliny. Sam Čarniakievič i jaho kalehi nie majuć sumnievaŭ, što sapraŭdnaja pryčyna — udzieł u napisańni knihi «Hrodnaznaŭstva».
Andreja Čarniakieviča niekalki tydniaŭ tamu ŭžo byli zvolnili z pracy va ŭniversitecie, ale pakolki jon u toj čas byŭ u špitali — adnavili.
Try dni tamu prafkam universytetu bolšaściu hałasoŭ vystupiŭ suprać zvalnieńnia Čarniakieviča, a voś siońnia ŭsie adnahałosna prahałasavali za toje, kab jaho zvolnić. Pasiedžańnie prafkamu adbyłosia bieź jaho ŭdziełu.
Čarniakievič: «Spačatku skazali, što anulavali papiaredniaje rašeńnie, bo nie było kvorumu, a siońnia mnie namieśnik staršyni prafkama patłumačyŭ, što była parušana pracedura. Maŭlaŭ, spačatku pavinny byli razhledzieć spravu na kamisii, a potym hałasavać. Dumaju, heta prosta zvyčajnaja kambinacyja, kab niejak abhruntavać rašeńnie».
Sistematyčnym parušeńniem pracoŭnaj dyscypliny nazvali toje, što Čarniakievič zamianiŭsia ź inšym vykładčykam, kab toj pravioŭ lekcyju zamiest jaho.Sam Čarniakievič kaža, što zamianiŭsia pa stanie zdaroŭja, papiaredziŭšy svaich kiraŭnikoŭ, i što heta zvyčajnaja praktyka, kali zamiena robicca bieź piśmovych zahadaŭ, na ŭzroŭni miascovaha kiraŭnictva.
Andrej Čarniakievič skazaŭ, što nie moža bolš ni pra što havaryć, bo drenna siabie adčuvaje.
Prafiesar Viačasłaŭ Švied, taksama aŭtar «Hrodnaznaŭstva», daviedaŭšysia pra zvalnieńnie Čarniakieviča, kaža, što sam paprostu ŭ rospačy. Jon nie vyklučaje, što na hetym sistema nie spynicca, ale pakul prahnazavać ničoha nie biarecca.
