Siemji biełaruskich palitviaźniaŭ vykazali padziaku Papu za ŭvahu da źniavolenych.
Jany paprasili jaho paspryjać ich chutčejšamu vyzvaleńniu dy nie spyniać malitvaŭ za Biełaruś.
Adkrytym listom svajaki palitviaźniaŭ adreahavali na vizity Apostalskaha nuncyja ŭ biełaruskija turmy, dzie jon sustreŭsia ź Mikołam Statkievičam, Źmitrom Daškievičam, Paŭłam Sieviaryncam, Alesiem Bialackim, Siarhiejem Kavalenkam i Paŭłam Syramałotavym (užo vyzvalenyja).
Viadoma, što ŭ aŭtorak arcybiskup Kłaŭdyjo Hudžeroci sustreniecca z Papam Bieniedyktam XVI, i adnoj z temaŭ razmovy buduć biełaruskija palitviaźni.
Svajaki palitviaźniaŭ pišuć, što «na praciahu 17 hadoŭ u našaj krainie pravić bal apošni dyktatar Jeŭropy» i nazyvajuć «hrešnaj» sistemu, «jakaja trymajecca na chłuśni i strachu».
Jany źviartajucca da Papy «z prośbaj malicca za nas, za Biełaruś, za tych, chto cierpić u viaźnicach pieraśled, ździeki, hvałt, addaje svajo žyćcio dziela praŭdy, svabody, spraviadlivaści i budučyni, pabudavanaj nie na kamunistyčnych, a na chryścijanskich kaštoŭnaściach».
