Na hetym tydni čakajecca davoli daždžlivaje nadvorje

Pra heta paviedamiła hałoŭny sinoptyk Respublikanskaha hidramietearałahičnaha centra Ludmiła Paraščuk 1 kastryčnika padčas videabryfinhu.

Pavodle jaje słoŭ, kali ŭ pieršy dzień kastryčnika ŭ Biełarusi pieravažaje cichaje soniečnaje nadvorje,

to ŭ aŭtorak prahnazujucca źmianieńni: pad upłyvam atmaśfiernych frantoŭ, što pieramiaščajucca z paŭdniovaha zachadu Jeŭropy, nieba zaciahnuć abłoki i pačnucca daždžy.

Tempieratura pavietra ŭ dzionnyja hadziny składzie ad 13°S pa poŭnačy da 22°S pa poŭdni krainy. Takija tempieratury na 2–3°S pieravysiać klimatyčnuju normu dla kastryčnika.

U sieradu pieravažna pa paŭdniova-ŭschodniaj pałovie Biełarusi projduć karotkačasovyja daždžy, i ŭ asobnych rajonach mahčymyja navalnicy, nočču miescami čakajecca tuman. Tempieratura pavietra nočču 6–13°S, pa Homielskaj vobłaści da 15°S. Maksimalnaja dniom 13–20°S, pa paŭdniovym uschodzie Biełarusi da 23°S.

U čaćvier daždžoŭ budzie mienš, źjavicca bolš praciahłaje prajaśnieńnie. Maksimalnaja tempieratura dniom plus 16–21°S.

U piatnicu dniom frantalny raździeł z Zachodniaj Jeŭropy pačnie paharšać nadvorje ŭ Biełarusi. Na bolšaj častcy terytoryi projduć daždžy, tempieratura pavietra minimalnaja nočču 6–13°S, maksimalnaja dniom 11–18°S.

Pavodle papiaredniaha prahnozu, u vychadnyja pad upłyvam małaruchomaha atmaśfiernaha frontu na bolšaj častcy Biełarusi projduć daždžy.

Tempieratura pavietra nočču ŭ subotu 6–11°S, dniom ad 10°S pa paŭnočnym zachadzie da 19°S pa paŭdniovym uschodzie krainy.

U niadzielu paŭdniovy viecier źmienicca paŭnočna-zachodnim, budzie chaładnavata. U mnohich rajonach Biełarusi pieravažnaja dzionnaja tempieratura 7–14°S

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH