Va Uzbrojenych siłach pravodzicca dvuchbakovaja kamandna-štabnaja vajennaja hulnia 2

U adpaviednaści z Płanam padrychtoŭki Uzbrojenych sił Biełarusi ŭ 2012 hodzie pad kiraŭnictvam načalnika Hienieralnaha štaba — pieršaha namieśnika ministra abarony hienierał-majora Piatra Cichanoŭskaha na bazie vučebnaha dapamožnaha punkta kiravańnia Hienštaba z 2 kastryčnika pačaŭsia druhi etap dvuchbakovaj kamandna-štabnoj vajennaj hulni Uzbrojenych sił.

Jak paviedamiła pres-słužba Ministerstva abarony, na praciahu 10 sutak udzielniki mierapryjemstva adpracujuć pytańni, źviazanyja z vypracoŭkaj najbolš metazhodnych sposabaŭ viadzieńnia bajavych dziejańniaŭ na apieracyjnych kirunkach u chodzie stratehičnaj abarončaj apieracyi Uzbrojenych sił. Vypracoŭka rašeńniaŭ budzie ažyćciaŭlacca z ulikam vopytu apošnich vajennych kanfliktaŭ va ŭmovach realnaha maštabu času.

U mierapryjemstvie biaruć udzieł pradstaŭniki strukturnych padraździaleńniaŭ, Ministerstva abarony, Hienieralnaha štaba Uzbrojenych sił, kamandavańniaŭ VPS i vojskaŭ SPA, sił śpiecyjalnych apieracyj, upraŭleńniaŭ apieratyŭnych i apieratyŭna-taktyčnych kamandavańniaŭ, apieratyŭnyja hrupy štaboŭ zon terytaryjalnaj abarony.

Uličvajučy važnuju navukovuju składajučuju, da praviadzieńnia vajennaj hulni taksama pryciahnutyja pradstaŭniki Navukova-daśledčaha instytuta Uzbrojenych sił, prafiesarska-vykładčycki skład fakulteta Hienieralnaha štaba Vajennaj akademii.

«Mierapryjemstva dazvolić jaho ŭdzielnikam atrymać praktyčnyja navyki pa płanavańni prymianieńnia sił (srodkaŭ), z ulikam źmiennych padychodaŭ da prymianieńnia vojskaŭ, a taksama acanić hatoŭnaść i zdolnaść orhanaŭ vajennaha kiravańnia da pryniaćcia najbolš metazhodnych i abhruntavanych rašeńniaŭ u chodzie rezkaha źmianieńnia vajenna-palityčnaj i stratehičnaj abstanoŭki», — havorycca ŭ paviedamleńni pres-słužby Minabarony.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH