Da adkaznaha sakratara arhkamiteta pa stvareńni partyi «Biełaruskaja chryścijanskaja demakratyja» Dzianisa Sadoŭskaha siońnia pa miescy prapiski pryjšła piedahoh
Metaj vizitu byli nieadnarazovymi zatrymańni Sadoŭskaha. Haŭryłava źbirałasia pravieryć, u jakich umovach utrymlivajucca dzieci Sadoŭskaha — trochhadovy syn i piacimiesiačnaja dačka. Pa słovach Dzianisa, Haŭryłava pahražała prablemami ŭ siamji, a, nie znajšoŭšy jaho, abiacała pryjści ź milicyjaj.
U Dzianisa Sadoŭskaha vizit piedahohaŭ vyklikaŭ abureńnie.
«Niama nijakich pytańniaŭ, što režym vyrašyŭ padobnym čynam nacisnuć na mianie i na maju siamju, stvaryć napružańnie ŭ siamji. Pry hetym usim vidavočna, što majo zatrymańnie 28 žniŭnia [jon byŭ zatrymany i adsiadzieŭ 10 sutak — NN], jak i hetaje naviedvańnie, palityčna matyvavanyja», — adznačyŭ jon.
