Advakat, jaki sustreŭsia z palitviaźniem Mikałajem Dziadkom, apavioŭ, što Mikałaj zastajecca ŭ pamiaškańni kamernaha typu — adzinočnaj kamery. Jon pazbaŭleny pieradač, spatkańniaŭ, telefanavańniaŭ dachaty.
Baćka palitviaźnia Alaksandar Dziadok: «Mikałaj maje mahčymaść sustrakacca z advakatam, choć apošni raz heta było vielmi składana. Sytuacyja ŭ kalonii jaŭna pamianiałasia, uźnikła napružanaść. Advakat amal čatyry hadziny čakaŭ na prachadnoj i pa roznych pryčynach Mikałaja nie pryvodzili. Heta možna patłumačyć tym, što
pavialičany cisk na ŭsich palitviaźniaŭ, u tym liku i na Mikałaja.Naviersie nervujucca, i heta pieradajecca ŭ kaloniju, prymušajuć cisnuć na palitviaźniaŭ.
Advakatu ŭsio ž udałosia koratka pahutaryć ź Mikałajem.
Sa zdaroŭjem u jaho nia vielmi dobra, bo abvastrylisia straŭnikavyja zachvorvańni. My pasłali jamu leki, ale ŭžo ciaham miesiaca pa nieviadomych pryčynach jamu nie vydajuć hetuju banderol.My dasyłali davoli prostyja leki, jakich u kalonii niama, i vitaminy. Chacia ŭ jaho asabistaj spravie jość dakumenty, jakija paćviardžajuć najaŭnaść zachvorvańniaŭ».
Pavodle baćki,
Mikałaj jašče doŭha budzie siadzieć u adzinočnaj kamery — da 6 śniežnia. Padčas znachodžańnia ŭ joj Mikałaja sadžali jašče na piać sutak u ŠYZA — štrafny izalatar.
Advakat sustrakaŭsia 4 kastryčnika ź Mikałajem, kab padrychtavać nahladnuju skarhu na imia staršyni Viarchoŭnaha sudu. Taksama ciapier abskardžvajecca admova ŭ vydačy Mikałaju čarnobylskaha paśviedčańnia, jakoje dało b mahčymaść prymianić amnistyju.
Alaksandar Dziadok:
«Viarchoŭny sud na niezakonnaj padstavie adabraŭ u jaho čarnobylskaje paśviedčańnie, i ciapier idzie hramadzianski praces. Kali my atrymajem čarnobylskaje paśviedčańnie, u nas jość šaniec, što Mikałaj vyjdzie na volu.Što da pamiłavańnia, to Mikałaj zajaviŭ, što ni pry jakich abstavinach takich papieraŭ pisać nia budzie».
Student EHU Mikałaj Dziadok adbyvaje 4,5 hodu źniavoleńnia za ŭdzieł u akcyjach anarchistaŭ u Miensku ŭ 2010 hodzie. Trymajuć Mikałaja Dziadka ŭ Škłoŭskaj kalonii.
Jahony baćka Alaksandar Dziadok — sam były sudździa.Peŭny čas, užo paśla Čarnobylskaj katastrofy, jon pracavaŭ u Brahinskim rajonie. Tam, na niebiaśpiečnaj dla zdaroŭja terytoryi, i naradziŭsia Mikałaj Dziadok.
Uletku 2011 hodu Mikałaj Dziadok byŭ asudžany pa spravie anarchistaŭ, jak Alaksandar Franckievič i Ihar Alinievič.Pavodle sudu, aktyvisty kidali butelki z «kaktejlem Mołatava» na terytoryju rasiejskaj ambasady, padpalili dźviery izalatara na Akreścina, praviali akcyju z vykarystańniem dymavoj šaški kala Ministerstva abarony. Mikałaj Dziadok svajoj viny ŭ hvałtoŭnych dziejańniach nie pryznaŭ.
