Adramantavaŭšy ŭ haražy na vulicy Cieraškovaj mašynu, chłopcy na «Falksvahienie» i «BMV» pajechali dadomu. Ź jakoj chutkaściu jany ruchalisia z adnaho kanca horada ŭ inšy, možna tolki ŭjavić.
Pa vulicy Volhi Sałomavaj jany mčalisia. Małodšy z pryjacielaŭ, 19-hadovy kiroŭca «Falksvahiena», hnaŭ pa pravym šerahu pieršym. Žančyna źleva pa chodu jaho ruchu paśpieła prajści pa dobra aśvietlenym piešachodnym pierachodzie try pałasy.
Jaje źbiła na čaćviortaj, jana pralacieła ŭ pavietry kala tryccaci mietraŭ.Tut jana była źbita i BMV, jakoje adkinuła žančynu na takuju ž adlehłaść i prajechała pa ciele kołam. 49-hadovaja haradžanka pamierła na miescy.
Kiroŭca «Falksvahiena» pačaŭ tarmazić tolki za piešachodnym pierachodam. Miarkujučy pa pakinutym na darozie śledzie jon jechaŭ z chutkaściu nie mienš za sotniu kiłamietraŭ u hadzinu.
Zdaŭšy z šostaj sproby tearetyčny i ź piataha praktyčny ispyty, jon hod tamu atrymaŭ paśviedčańnie i ŭžo piać razoŭ štrafavaŭsia za parušeńni praviłaŭ ruchu.
Kiroŭca «BMV» staŭ uładalnikam pravoŭ piać hadoŭ tamu. Za hety čas 19 razoŭ padviarhaŭsia spahnańniam, u tym liku -- za dvuchrazovaje pieravyšeńnie chutkaści bolš čym na 20 kiłamietraŭ u hadzinu pazbaŭlaŭsia pravoŭ, a paśla hetaha zatrymlivaŭsia za rulom pjanym.
