Pałata pradstaŭnikoŭ nacyjanalnaha schodu Biełarusi pryniała ŭ druhim čytańni zakonaprajekt «Ab respublikanskim biudžecie na 2013 hod».
Jak paviedamlałasia, prajekt respublikanskaha biudžetu na nastupny hod sfarmiravany na biezdeficytnaj asnovie.Ahulnaja suma dachodaŭ kansalidavanaha biudžetu na 2013 hod prahnazujecca ŭ pamiery Br197,41 trłn., abo 31,3 pracenta VUP. Dachody pa prajektu respublikanskaha biudžetu praduhledžvajucca ŭ sumie Br121,72 trłn., abo z rostam da čakanaha vykanańnia 2012 hoda na 26,1 pracenta. Asnoŭnyja krynicy padatkovych dachodaŭ respublikanskaha biudžetu — padatak na dabaŭlenuju vartaść, akcyzy, padatkovyja dachody ad źniešnieekanamičnaj dziejnaści.
Raschody kansalidavanaha biudžetu na 2013 hod prahnazujucca ŭ sumie Br197,41 trłn. Raschody pa prajektu respublikanskaha biudžetu sfarmiravany ŭ sumie Br121,72 trłn.
U 2013 hodzie asnoŭnyja mety dla siektara dziaržaŭnych finansaŭ — pavyšeńnie ŭstojlivaści i kankurentazdolnaści nacyjanalnaj ekanomiki, harantavanaje vykanańnie finansavych abaviazacielstvaŭ biudžetu pierad źniešnimi i ŭnutranymi kredytorami, a taksama zachavańnie jakaści biudžetnych pasłuh i sacyjalnaja abarona słabaabaronienych katehoryj nasielnictva.
U nastupnym hodzie zachavajecca sacyjalnaja nakiravanaść raschodaŭ biudžetu. Značnuju častku ŭ im składuć raschody na apłatu pracy, piensii, stypiendyi, dapamohi, inšyja vypłaty, srodki na vykanańnie dziaržaŭnych sacstandartaŭ. Pryjarytety biudžetnaj palityki: achova zdaroŭja, adukacyja i navuka
