 Fota Julii Daraškievič |
Biełaruskaja respublikanskaja navukova‑metadyčnaja rada pa pytańniach historyka‑kulturnaj spadčyny pry Ministerstvie kultury Biełarusi adobryła na vyjaznym pasiedžańni ŭ Haradzienskaj vobłaści pieradprajektnuju prapanovu pa rekanstrukcyi i prystasavańni budynkaŭ byłoha klaštaru bernardzinaŭ u Miensku — pomnika architektury 17‑ha st. Zhodna prajektu budynak byłoha klaštaru planujecca prystasavać pad hatelny kompleks. Aŭtary prajektu — specyjalisty pradpryjemstva «Mienskprajektrestaŭracyja». Jany miarkujuć aktyŭna vykarystoŭvać padziemnuju prastoru dla raźmiaščeńnia parkoŭki, spartova‑azdaraŭlenčaha dziełavoha centraŭ. Budzie zachavanaja dvarovaja prastora.
Aŭtary prajektu admovilisia ad pieršapačatkovaj idei vykarystańnia škła ŭ afarmleńni fasadaŭ, niecharakternaj dla taho času linii «łamanych» dachaŭ.
Biełaruskaja respublikanskaja navukova‑metadyčnaja rada prapanavała zaviaršyć navukova‑daśledčyja pracy i dapracavać prajekt. Paźniej jon budzie pradstaŭleny na abmierkavańnie rady.
