Z karespandentam «Salidarnasci» jon dzielicca bližejšymi płanami.
Uvieś čas — siamji
— Jany šmat byli bieź mianie, advykli, tamu pieradusim, uvieś moj čas dla ich. Naładzić adnosiny ź dziećmi, kali jany ad ciabie advykli, składana. Heta taja ž štanha, jakuju ja ciahaŭ ŭ turmie, tolki štanha psichałahičnaja i jaje taksama treba padymać.
Arhanizm chutka adnaŭlajecca
— Zdaroŭje, dziakuj bohu, viartajecca. Kali padčas haładoŭki ja važyŭ 45 kiłahramaŭ, to siońnia — 95, i treba padtrymlivać formu. Ja šmat biehaju, zajmajusia sportam. Paśla haładoŭki pačalisia prablemy z pamiaćciu. Nie moh uzhadać niejkija ahulnaviadomyja zvykłyja rečy, ale jany prachodziać. Arhanizm chutka adnaŭlajecca.
Doma zajmajusia samaadukacyjaj
— Ramont kvatery amal całkam zrabiła žonka, tak što haspadarčych zaniatkaŭ mała. Vielmi šmat času vydzialaju na samaadukacyju. Pastaviŭ metu samastojna vyvučyć anhielskuju movu. U jakaści pracy ja asvojvaju prafiesiju videaapieratara i mantažora. Moj znajomy zajmajecca zdymkami viasiellaŭ, prapanavaŭ i mnie pasprabavać. Budoŭla trochi nadakučyła, ale joj prychodziłasia zajmacca, kab zarobić hrošy.
