Šmattysiačnaja demanstracyja nacyjanalistaŭ prajšła ŭ Kijevie na hadavinu UPA - foty 11

U niadzielu ŭ Kijevie adbyŭsia Marš baraćby, arhanizavany Usieŭkrainskim abjadnańniem «Svaboda» ŭ honar 70-hodździa stvareńnia UPA.

Pavodle acenak karespandentaŭ, u maršy ŭziali ŭdzieł kala 10 tysiač čałaviek.

Padčas ruchu kałona Marša na niejki čas spyniłasia z-za taho, što pradstaŭniki ruchu «Aŭtanomny supraciŭ» razam z futbolnym rucham ultras «Dynama» pačali kidać pietardy i dymavyja šaški.

Na Safijskaj płoščy Kijeva pradstaŭniki ultras «Dynama» spalili ściahi Partyi rehijonaŭ i Kampartyi, piša pravda.com.ua.

Demanstranty vystupajuć za prysvajeńnie zvańnia hierojaŭ Ukrainy Ściapanu Banderu i Ramanu Šuchieviču, a taksama patrabujuć pryznać baraćbu Arhanizacyi Ukrainskich nacyjanalistaŭ i UPA «nacyjanalna-vyzvalenčaj baraćboj Ukrainskaj nacyi». Siarod patrabavańniaŭ mitynhoŭcaŭ taksama abviaścić 14 kastryčnika dziaržaŭnymi śviatam. Adnak hałoŭnyja ich łozunhi na siońnia — sacyjalnyja i ekanamičnyja. «Svaboda» vystupaje za abmiežavańnie ŭłady ŭschodnieŭkrainskich aliharchaŭ, što stajać za Janukovičam.

0

0

0

0

0

0