Mienharvykankam dazvoliŭ praviadzieńnie sioletniaha «Čarnobylskaha šlachu» ad Akademii navuk da płošču Banhałor. 26 krasavika ludziam ludziam sabracca a 18:00 la Akademii navuk, paśla prajści šeściem pa vulicy Surhanava da parku Družby narodaŭ. Ad 20:00 da 22:00 dazvoleny mitynh.
Ad zajaŭnikaŭ na sustrečy prysutničali Alaksiej Janukievič i Juraś Ziańkovič (abodva — Partyja BNF), Valancina Palevikova (AHP), a taksama Anatol Sidarevič (BSDP (H)). Ad haradzkich uładaŭ byli rabotnik harvykankamu Tamilčyk, a taksama dva milicyjanty — padpałkoŭnik Mielnik i major Stanilevič. Jany prapanavali ŭdzielnikam padpisać papiery, što jany papiaredžanyja, a taksama, što na mitynhu nia budzie niezarehistravanaj symboliki. Usie zajaŭniki admovilisia padpisvać hetyja papiery.
Zajaŭniki ličać, što takim rašeńniem Mienharvykankam parušyŭ artykuł №6 Pakonu ab praviadzieńni masavych akcyj, bo rašeńnie prymałasia biez uzhadnieńnia z zajaŭnikami.
Ciapier arhkamitet «Čarnobylskaha šlachu» źbirajecca padavać skarhu ŭ sud na rašeńnie harvykankamu. U zaležnaści ad taho, što vyrašyć sud i budzie jasna, dzie projdzie akcyja 26 krasavika.
