U Biarozaŭskim rajonie
Jak paviedamiŭ namieśnik načalnika Biarozaŭskaha rajonnaha adździeła Śledčaha kamiteta Siarhiej Paškievič, heta adbyłosia ranicaj 19 vieraśnia ŭ kabiniecie staršyni sielskaha savieta.
Mužčyna stałaha vieku prynios z saboj słoikz-pad kavy, častkova napoŭnieny bienzinam. Jon vypluchnuŭ jaho na staršyniu miascovaha savieta i pasprabavaŭ padpalić jaho zapałkami.
Staršynia paśpieŭ vychapić z ruk viaskoŭca zapałki i vyklikaŭ milicyju.
U časie pravierki było vyśvietlena, što
ŭ vieraśni78-hadovy mužčyna źviarnuŭsia ŭ sielsaviet z prośbaj pradastavić jamu nadomnaje absłuhoŭvańnie sacyjalnych słužbaŭ.
Staršynia i sakratar sielsavieta praviali abśledavańnie
U suviazi z tym, što pažyły mužčyna atrymlivaje piensiju i žyvie z pracujučym synam, a taksama na padstavie zaklučeńniaŭračebna-kansultacyjnaj kamisii, jakaja ŭstanaviła, što mužčyna moža siabie samastojna absłuhoŭvać, było pryniata rašeńnie admović u jaho prośbie.
Atrymaŭšy aficyjny dakumient ab hetym, piensijanier pryjšoŭ u sielsaviet ź bienzinam.
18 kastryčnika Biarozaŭskim rajonnym adździełam Śledčaha kamiteta ŭ dačynieńni da jaho raspačata sprava pa č. 1 art. 366 Kryminalnaha kodeksa (hvałt albo pahroza ŭžyvańnia hvałtu ŭ dačynieńni da słužbovaj asoby, jakaja vykonvaje słužbovyja abaviazki).