Papiarednija dvoje debataŭ skončylisia ničyjoj, choć i ź nievialičkaj pieravahaj Romni. U pieršych debatach Abama vyhladaŭ prosta nijak: ciažka sabie ŭjavić, što hety čałaviek kiravaŭ supierdziaržavaj na praciahu 4 hadoŭ. U toj ža momant Romni pavodziŭ siabie ŭpeŭniena i jaskrava.
Na druhich debatach kandydat respublikancaŭ zachavaŭ svaju charyzmu, ale viarnuŭsia Abama, jaki viadomy pa
Pa vynikach debataŭ ź nievialičkim adryvam pieramahaje Romni. U sacyjałahičnych apytańniach usio naavarot: praŭdapadobna, što amierykancy pieraabiaruć Abamu.
Abamamanija praciahvajecca
Ekanamičnyja vyniki pieršaha terminu Abamy ciažka nazvać paśpiachovymi. Prezident, jaki abiacaŭ źmienšyć
Adnačasova varta adznačyć vydatnuju pracu palityčnych markietołahaŭ Abamy. Stvorany imi vobraz dahetul pracuje. Varta ŭzhadać, što za ŭsiaho tolki krytyku amierykanskich vojnaŭ Abama atrymaŭ Nobieleŭskuju premiju miru. Achviary nalotaŭ amierykanskich bieśpiłotnikaŭ dakładna nie pahadziłsia b z Nobieleŭskim kamitetam.
Abama palepšyŭ imidž ZŠA ŭ śviecie. Štaty admovilisia ad roli hłabalnaha lidara, što šmat kamu spadabałasia. Adnak sajuźniki ZŠA, asabliva va Ŭschodniaj Jeŭropie, nie vielmi ŭzradavalisia hetamu faktu. Jany siońnia zadajuć pytańnie: ci dobra, što Štaty nie chočuć być lidaram? Bo ž heta aznačaje pavyšeńnie roli takich niedemakratyčnych rehijanalnych dziaržavaŭ, jak Rasija ci Kitaj. Kali hetyja dziaržavy mała čaho dobraha prynosiać svaim hramadzianam, to što jany pryniasuć śvietu?
Romni ŭ zamiežnaj palitycy — supraćlehłaść Abamy. Jon prychilnik aktyŭnaj padtrymki demakratyi i svaich partnioraŭ va ŭsim śviecie. Kali jon pryjdzie da ŭłady, to chutčejšaje vyrašeńnie siryjskaha kanfliktu ci ataka na atamnyja abjekty Iranu stanoviacca vielmi realnymi. Šmat amierykancaŭ hetaha pabojvajucca. Choć udzieł naziemnych vojskaŭ u padobnych apieracyjach vyklučany — jašče adnoj naziemnaj vajny amierykancy svaim palitykam nie darujuć.
Pastka dla Romni
Dla taho, kab vyjhrać vybary ŭ Abamy, respublikancam abaviazkova treba ruchacca ŭ centr palityčnaha pola. Ale tut Romni trapiŭ u pastku, sprabujučy spadabacca adnačasova i svajmu ćviordamu elektaratu, i rasčaravanym Abamam centrystaŭ. U vyniku Romni niekalki razoŭ mianiaŭ svaje padychody ŭ časie kampanii, što adbiłasia na jahonaj vierahodnaści. Vyhladaje na toje, što amierykancy dahetul nie zrazumieli ekanamičnaha płana Romni.
Štab Abamy taksama nanios mocny ŭdar pa kandydacie respublikancaŭ, kali apublikavaŭ aŭdyjozapis, na jakim Romni pryznajecca, što nie raźličvaje na padtrymku 47% amierykancaŭ, jakija atrymlivajuć dapamohi i vypłaty ad dziaržavy. Zhodna z łohikaj Romni hetyja ludzi zaležnyja ad dziaržavy i nie buduć hałasavać za pradstaŭnika biźniesu. Paharda da takoj vialikaj kolkaści svaich hramadzian naŭrad ci dapamoža ŭ baraćbie ź levacentrystam Abamam.
Romni — dobry kanservatyŭny lidar i idejny kapitalist, ale čas śviedčyć, što amierykancy stanoviacca ŭsio bolš «levymi». Vybary ŭžo praz 2 tydni, i Abama pačuvaje siabie davoli spakojna. Romni nieabchodna siońnia šykoŭnaja pieramoha.
