Pra heta zajaviŭ izrailski pasoł Iosif Šahał 22 kastryčnika ŭ Minsku, adkazvajučy na pytańnie ab pazicyi Izraila adnosna najaŭnaści palitźniavolenych u Biełarusi.
«U nas maje miesca dyjałoh pa cełym šerahu pytańniaŭ, u tym liku pa tym pytańni, jakoje vy zakranuli. Izrail nie moža nie turbavać taja ciažkaja situacyja, jakaja ŭźnikła ŭ adnosinach pamiž Jeŭrasajuzam i Biełaruśsiu. U našych intaresach razradka hetaj situacyi, stvareńnie takoj atmaśfiery, pry jakoj Izrail, krainy jeŭrapiejskaj supolnaści i Biełaruś buduć razam efiektyŭna budavać svaju ekanomiku, svaje adnosiny», — skazaŭ pasoł.
Šahał padkreśliŭ, što biełaruski bok nieadnarazova zajaŭlaŭ pra svaju hatoŭnaść i žadańnie intehravacca ŭ Jeŭropu.«Usie tyja pieraškody, što nie dajuć raźvivacca hetamu pracesu, źjaŭlajucca temaj abmierkavańnia, temaj pieramoŭ, kansultacyj. Zaraz abviaščać ich źmiest aznačaje nie paskarać, a, naadvarot, tarmazić hety praces. Ja parekamiendavaŭ by nabracca ciarpieńnia», — skazaŭ dypłamat, padkreśliŭšy, što nie tolki žurnalistaŭ «turbuje tema zachavańnia demakratyčnych kaštoŭnaściaŭ u Biełarusi».
0
0
0
0
0
0
