Vypadak pad Minskam: mužčyna raźbiŭ akno i ŭciok ź ciahnika na poŭnaj chutkaści 3

Vypadak zdaryŭsia pad Minskam 19 kastryčnika. Na poŭnaj chutkaści chadu ciahnika Maskva — Praha, raźbiŭšy akno, vyskačyŭ z vahona pasažyr

. Adnak fakt jaho źniknieńnia pravadnik sastavu vyjaviła tolki paśla prybyćcia na stancyju Minsk-Pasažyrski, kali nie zmahła adčynić dźviery kupe.

Pavodle słoŭ rabotnikaŭ BČ, u hetym vahonie jechaŭ 37-hadovy hramadzianin Ukrainy.

Padčas pajezdki mužčyna pavodziŭ siabie nieadekvatna i nieadnarazova skardziŭsia na drennaje samaadčuvańnie. Jon čamuści apasaŭsia za svajo žyćcio.

Načalnikam ciahnika było pryniata rašeńnie vydzielić pasažyru asobnaje kupe.

Tym časam pasažyr, jaki ŭciok, błukaŭ pa horadzie. Prachožyja sprabavali akazać jamu dapamohu, vyklikaŭšy ŭračoŭ, adnak paciarpieły ad miedykaŭ uciok. Zamiežny hramadzianin byŭ zatrymany adnym z naradaŭ milicyi i źmieščany ŭ balnicu.

Jak stała viadoma, vyskačyŭšy z akna ciahnika, ukrainiec parezaŭ šyju i straciŭ šmat kryvi.

Ciapier jon znachodzicca ŭ reanimacyjnym adździaleńni balnicy.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH