Pakul što ŭ kasach pradajuć takija kvitki.
Niekalki apošnich dzion u pryharadnych kasach čyhunačnaha vakzała nie pradajuć firmovyja kvitki na elektryčki haradskich linij.
Jak patłumačyli ŭ adnoj z kasaŭ, kvitki skončylisia, a novyja nie nadrukavali.
«Chutčej za ŭsio rychtujecca čarhovaje padaražańnie. Inakš by ŭžo dadrukavali dadatkovyja kvitki», — skazała kasirka.
Pakul ža pasažyram pradajuć zvyčajnyja kvitki z paznakaj, što jany pryznačanyja dla prajezdu ŭ ciahnikach haradskich linij. Taki kvitok dziejničaje tolki ŭ dzień prodažu.
Dla pasažyraŭ heta nie vielmi zručna, bo firmovyja kvitki možna było nabyć u zapas, jak tałony na prajezd u haradskim transparcie.
Z momantu zapusku haradskich linij u lipieni 2011 hoda kvitki na prajezd u novych elektryčkach kaštavali 2000 rubloŭ.
U lipieni hetaha hoda prajezd u pryharadnych ciahnikach i elektryčkach haradskich linij padaražeŭ na 20%. Ciapier prajezd u šviejcarskaj elektryčcy kaštuje 3000 rubloŭ (kali nabyvać kvitok u kasie). Kanduktaru daviadziecca dapłacić jašče 1200 rub.
