Na sustreču z hienieralnym dyrektaram «Miłavicy» Dźmitryjem Dzičkoŭskim u adnu z aŭdytoryj BNTU nabiłasia pad sotniu słuchačoŭ. Padzialicca svaim vopytam i adkazać na pytańni studentaŭ jon vyrašyŭ u ramkach prajekta AlterEdu.
Fota Iryny Žamoździk.
Dźmitryj Dzičkoŭski — adzin z samych talenavitych menedžaraŭ Biełarusi.
Dzičkoŭski zakončyŭ BDEU 20 hadoŭ tamu, ale pryznajecca, što tyja viedy pa płanavaj ekanomicy jamu ŭ žyćci nie spatrebilisia. Zatoje dapamahła vučoba ŭ amierykanskich i kanadskich univiersitetach.
Pierad tym, jak u 2001 hodzie stać dyrektaram «Miłavicy», Dzičkoŭski paśpieŭ abaranić kandydackuju dysiertacyju pa ekanomicy, stać adnym z zasnavalnikaŭ, a paśla i prezidentam niezaležnajBiznes-škoły IPM.
Dziakuj kryzisu
«Štohadovy abarot kampanii składaje kala 100 miljonaŭ jeŭra, i tolki čverć hetych hrošaj dajuć prodažy ŭnutry Biełarusi», — pačynaje svoj raspovied jon.
Bolšaść pradukcyi «Miłavicy» pradajecca ŭ Rasii, dzie najlepš naładžanaja praca frančajzinhavych kramaŭ —miascovyja biznesoŭcy ad Kalininhrada da Archanhielska adkryvajuć firmovyja kramy «Miłavicy» ŭ svaich haradach. Biełaruskija śpiecyjalisty dapamahajuć im pravilna rasstavić vitryny i raskłaści tavar, kab pryłaŭki vyhladali adnolkava va ŭsich kramach.
Za košt taho, što 75% pradukcyi «Miłavicy» idzie na ekspart, letašni valutny kryzis prajšoŭ mima kampanii.«Prablem z valutaj dla zakupki syraviny ŭ nas nie było. Pracavać u Biełarusi navat stała lahčej, bo tut niama kankurencyi. Bolš za toje, niekatoryja imparciory spynili svaju dziejnaść.
Było dobra, a stała jašče lepš», —uśmichajecca Dzičkoŭski.
Miž Jeŭropaj i Azijaj
Na dumku dyrektara,
pierśpiektyvy raźvićcia «Miłavicy» znachodziacca na paŭdniovym i ŭschodnim rynkach, dzieKrainy nakštałt Indyi chutka raźvivajucca i rynak jašče nie maje vialikaj prapanovy.tolki-tolki pačynajecca spažyviecki bum.
A voś idei ab skareńni Jeŭropy daviałosia adkłaści ŭ dalokuju skryniu.
«Tam rynak pieranasyčany kankurentami. Pryjści tudy budzie niemahčyma», —pryznajecca Dzičkoŭski.
«Momant iściny» zdaryŭsia ŭ 2010 hodzie, kali ŭ «Miłavicy» ŭžo było zaklučanaje pahadnieńnie z bujnoj anhlijskaj kampanijaj «Marks& Spenser».
Biełarusy źbiralisia sšyć i pastavić na brytanski rynak 1 miljon vyrabaŭ, ale nie pad svajoj markaj, nikomu nie viadomaj u Jeŭropie, a pad imieniem «Marks&Spenser».
Ale ŭźnikła alternatyva — rasijcy
Rašeńnie akazałasia słušnym. U nastupnyja hady tempy rostu kampanii rezka pavialičylisia.
Ciapier kožny čaćviorty kupalnik i stanik, jakija pradajucca ŭ Biełarusi, zrobleny na «Miłavicy».Dla paraŭnańnia, na rynku ŭschodniaha susieda kampanija maje kala 4%, ale, pa słovach dyrektara, moža pavialičyć svaju dolu da 10%.
Pierajezd na Paŭdniovy Uschod
Dla hetaha ŭžo ŭ najbližejšy čas daviadziecca ździejśnić
Pierśpiektyvaŭ pracy fabryki ŭ stalicy Biełarusi dyrektar «Miłavicy» nie bačyć: «Siaredni zarobak kraŭčychi — 4,5 miljona rubloŭ. Dla Minska heta vielmi mała, choć dla Viciebska ci Pastavaŭ pakul što narmalna».
«Vytvorčaść u rehijonach jašče niekalki hadoŭ budzie isnavać.
A paśla treba budzie raźmiaščać jaje ŭ krainach ź nizkim dachodam: u Vjetnamie, Indaniezii,prahnazuje jon.Šry-Łancy , dzie ludzi zarablajuć $100. Praz 5–7 hadoŭ pałova pradukcyi „Miłavicy“ budzie vyrablacca tam», —
«Zabirajcie, my zrobim jašče»
Na pradpryjemstvie ahułam pracujuć niekalki tysiač čałaviek. Pry pieranosie vytvorčaści mnohich ź ich daviadziecca skaračać. A heta, vidavočna, pryjdziecca niedaspadoby biełaruskim uładam. Ci nie baicca Dzičkoŭski nacyjanalizacyi pradpryjemstva, jak heta zusim niadaŭna adbyłosia ź niaŭhodnymi kandytarskimi fabrykami «Kamunarka» i «Spartak»?
«Nacyjanalizacyja? Ja zaŭsiody da hetaha ŭnutrana hatovy.Kali heta adbudziecca… Boža, u čym prablema?
My zrabili z „Miłavica“ cukierku. Kali łaska, biarycie. My zrobim jašče.U Biełarusi jość čym zajmacca. Na 95% pradpryjemstvaŭ, kali zrabić bazavyja pieratvareńni ŭ markietynhu i inšych śfierach, efiektyŭnaść pracy i prybytak pavialičacca ŭ try razy», — pierakanany jon.
Samy papularny pamier siarod biełarusak — 75B
Madeli bializny i kupalnikaŭ «Miłavica» stvarajuć biełarusy padčas sumiesnaj pracy ź jeŭrapiejskami śpiecyjalistami. «Moładzievyja kupalniki raspracoŭvajucca razam ź italjanskimi dyzajnierami ŭ Miłanie. U Biełarusi b ich nikoli nie prydumali, bo ŭ nas inšaja kałarystyka i inšy pohlad na modu. Francuzy b taksama nikoli nie zmahli stvaryć našuju kanstrukcyju bializny, — tłumačyć Dźmitryj Dzičkoŭski. — Jany aryjentavanyja na inšyja fihury i inšyja ŭmovy. Naprykład, italjancy i francuzy zaŭsiody spyniajucca na maksimalnym pamiery 85D. My ž u standartnaj kalekcyi robim ad 60AA da 90Je, ale časam dachodzim navat 120K! Heta dla anhlijskaha rynku».
Kali ž kazać pra samy papularny pamier stanika siarod biełarusak, to, pa padlikach markietołahaŭ «Miłavicy», heta 75B. Taki pamier maje pałova ad ahulnaj kolkaści pradadzienych kupalnikaŭ.
«Praŭda, pa jeŭrapiejskich daśledavańniach, kala pałovy kupcoŭ bializny ŭvohule nie viedajuć svaich pamieraŭ», — śmiajecca Dzičkoŭski.
«Miłavica» zmahła prałabiravać źmieny ŭ zakanadaŭstvie, jakija ŭ 2005 hodzie dazvolili kupcam prymiarać bializnu ŭ kramach. «Raniej prymiarać było nielha, moh tolki pradaviec prymieryć „na voka“. Heta było žachliva», — uzhadvaje jon.
* * *
«Miłavica». Daviedka
«Miłavica» — adzin z samych darahich biełaruskich brendaŭ. Ukrainskija ekśpierty, jakija składali sioleta čarhovy rejtynh, acanili jaho ŭ $71,5 miljona. Daražej kaštuje tolki nazva
Pradpryjemstva było pryvatyzavanaje ŭ 1991 hodzie. Jahonym dyrektaram stała byłaja namieśnica ministra lohkaj pramysłovaści BSSR Zinaida Valecha. Kampanija zdoleła pieršaj u krainie atrymać mižnarodny siertyfikat jakaści ISO 9001, a taksama pryciahnuć inviestycyi Jeŭrapiejskaha banka rekanstrukcyi i raźvićcia.
Ź ciaham času 80% akcyj «Miłavicy» pradali estonskamu chołdynhu Silvano Fashion Group. Najbolšuju dolu ŭ im maje miascovy miljanier Tomas Tooł.
Ciapier «Miłavica» dasiahnuła štohadovaha zvarotu ŭ 100 miljonaŭ jeŭra i čystaha prybytku ŭ 15 miljonaŭ jeŭra. Pradukcyja kampanii pradajecca ŭ 500 firmovych kramach u 16 krainach śvietu.
