U Minsku aŭtamabil vylecieŭ na prypynak i źbiŭ čatyroch čałaviek 16

Na vulicy Sialickaha ŭ Minsku aŭtamabil Mercedes-Benz S600 W140 źbiŭ čaćviarych čałaviek, jakija znachodzilisia na prypynku hramadskaha transpartu.

Jak patłumačyŭ 29-hadovy kiroŭca supracoŭnikam DAI, jon ruchaŭsia pa Sialickaha ŭ bok Novaha Dvara. Zajechaŭšy ŭ łužynu, aŭtamabil raskruciŭsia na darozie, kiroŭca straciŭ kiravańnie i ŭrezaŭsia ŭ prypynak hramadskaha transpartu, raźmieščany pa adrasie Sialickaha, 21.

Mužčyna rastłumačyŭ, što ruchaŭsia ź nievialikaj chutkaściu — prykładna 40–45 kiłamietraŭ u hadzinu.

Paciarpieli čatyry čałavieki: dva ź ich ciažkim stanie, jany špitalizavanyja. Jašče dva čałavieki atrymali mienš ciažkija traŭmy: u žančyny čerapna-mazhavaja traŭma i jašče ŭ adnaho mužčyny — pierałomy rebraŭ.

Kiroŭca vyhladaje ćviarozym, ale ahlad jašče nie pravodziŭsia.

0

0

0

0

0

0

Auto.tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH