Va Uźbiekistanie vyniesieny prysud trom miascovym žycharkam, jakich abvinavacili ŭ supracoŭnictvie sa śpiecsłužbami susiedniaha Tadžykistana. Žančyny pryznanyja vinavatymi i pa artykule «zdrada dziaržavie» asudžanyja da 14 hadoŭ turmy.
Asudžanyja źjaŭlajucca žycharkami Surchandarjinskaj vobłaści (rehijona, raźmieščanaha na miažy z Tadžykistanam).
Pavodle źviestak śledstva, jany za ŭznaharodžańnie pieradavali tadžykskim śpiecsłužbam «źviestki ab vajskovych častkach, abjektach orhanaŭ biaśpieki i pravaachoŭnych strukturach Uźbiekistana».
Adna z asudžanych, Kima Chudajarava pryznałasia, što pieradała śpiecsłužbam Tadžykistana «fatahrafii UUS i prakuratury Saryasijskaha i Uzunskaha rajonaŭ».
Za apošnija hady, jak paviedamlałasia raniej, va Uźbiekistanie i Tadžykistanie byli asudžanyja dziasiatki ludziej, abvinavačanych u suviaziach sa śpiecsłužbami susiedniaj dziaržavy.
0
0
0
0
0
0