Numar «Biźnies palepšany» ŭ hateli «Płanieta».
Numar «Biźnies-standart» u hateli «Płanieta».
U parłamiencie piataha sklikańnia — 109 deputataŭ. Ź ich 43 — žychary Minska albo parłamientaryi minułaha sklikańnia, užo zabiaśpiečanyja słužbovym žyllom. Deputaty čaćviortaha sklikańnia pavinny vyzvalić słužbovaje žyllo ciaham miesiaca paśla skančeńnia ich paŭnamoctvaŭ, a ŭ niekatorych kvaterach paśla hetaha praviaduć ramont. Atrymlivajecca, što novaśpiečanyja inšaharodnija deputaty ŭ kolkaści 66 čałaviek jak minimum miesiac praviaduć u hatelnych numarach za košt dziaržavy.
Baranavickaja hazieta «Intex Press» paličyła, u jakuju sumu abychodzicca časovaje žyllo dla novaabranych parłamientaryjaŭ.
Inšaharodnija deputaty žyvuć u hateli «Płanieta», zhadała ŭ hutarcy z «IP» Volha Palityka, deputat ad Baranavičaŭ.«Ścipły, adnamiesny» i samy tanny numar u prejskurancie hatela paznačany jak
Pa słovach Volhi Palityka, śniadankami parłamientaryjaŭ nie kormiać. Pry takich umovach pražyvańnie ŭ numary kaštuje na $15 tańniej, paviedamili «IP» u hateli «Płanieta».
U vyniku, raśsialiŭšy 48 parłamientaryjaŭ u«Biźnies-Standart» , a astatnich — u«Biźnies-palepšany» , dziaržava štodzionna vydatkoŭvaje na heta $5740. Za miesiac nabiahaje suma ŭ $172 tysiačy!
Jak paviedamili ŭ hateli, dla žycharoŭ, što žyvuć bolš za 30 dzion, praduhledžana źnižka 25%. Ale navat u hetym vypadku vynikovy miesiačny košt u $129 tysiač prostym hramadzianam padajecca zvyšvysokaj. Hetych hrošaj chapiła b na nabyćcio piaci dvuchpakajovak u Baranavičach, vypłatu 290 siarednich zarobkaŭ haradžanam, ci zamienu darožnaha pakryćcia 1 km darohi samym jakasnym asfaltobietonam.
