Dźvie hrupy padletkaŭ byli zatrymanyja ŭ Minsku za naniasieńnie nadpisaŭ na ścieny haradskich zbudavańniaŭ.
Jak paviedamili ŭ HUUS Minharvykankama,
dniom 6 listapada supracoŭnikami milicyi ŭ dvary doma № 44 pa praśpiekcie Niezaležnaści byli zatrymanyja šaściora maładych ludziej, što razmalavali ścianu haražoŭ.Padletkaŭ dastavili ŭ Savieckaje RUUS, dzie jany raskazali, što na fonie svaich hrafici płanavali zładzić fotasiesiju. Dastaŭlenym pa 15–16 hadoŭ, u dačynieńni da starejšych ź ich razhladajecca pytańnie ab pryciahnieńni da administracyjnaj adkaznaści.
3 listapada supracoŭniki UUS pa achovie Minskaha mietrapalitena ŭ padziemnym pierachodzie stancyi mietro «Park Čaluskincaŭ» niepasredna padčas naniasieńnia rośpisaŭ zatrymali dvaich padletkaŭ.
Šasnaccacihadovych junakoŭ paśla razboru pieradali baćkam, razam ź jakimi jany na nastupny dzień zmyli sa ściany naniesienyja markieram nadpisy.
Va ŭpraŭleńni achovy pravaparadku i prafiłaktyki HUUS Minharvykankama adznačyli, što
štotydzień u roznych častkach horada vyjaŭlajuć fakty tak zvanaha vuličnaha vandalizmu.Čaściej za ŭsio miescam dla niezakonnaha «tvorčaści» hrafitystaŭ stanoviacca fasady budynkaŭ, padziemnyja pierachody, prypynki hramadskaha transpartu. Horadu nanosicca škodu na dziasiatki miljonaŭ rubloŭ.
U HUUS nahadali, što artykule 10.9 KaAP za naŭmysnaje źniščeńnie abo paškodžańnie majomaści, jakija paciahnuli pryčynieńnie škody ŭ niaznačnym pamiery, praduhledžvaje nakładańnie štrafu ad 30 da 50 bazavych vieličyń.Z pačatku hetaha hoda da administracyjnaj adkaznaści za niesankcyjanavanaje naniasieńnie nadpisaŭ na fasady budynkaŭ i inšych inžyniernych zbudavańniaŭ, a taksama paškodžańnie majomaści arhanizacyj i ŭstanoŭ šlacham naniasieńnia nadpisaŭ ŭ Minsku pryciahnuta da administracyjnaj adkaznaści bolš za 30 čałaviek.
U pryvatnaści, pa artykule 218 KK (naŭmysnaje źniščeńnie abo paškodžańnie majomaści) mahčyma pakarańnie ŭ vyhladzie abmiežavańnia voli na termin da dvuch hadoŭ.Kali pamier škody pryznajecca značnym, to dziejańni złamyśnika mohuć paciahnuć kryminalnuju adkaznaść.
0
0
0
0
0
0
