U Ihnalinskim rajonie Litvy pamiežniki zatrymali jašče adnu vialikuju hrupu nielehałaŭ, jakija sprabavali trapić u Litvu ź Biełarusi.Pavodle papiarednich dadzienych, siarod 21 zatrymanaha — hramadzianie Vjetnama i Afhanistana, paviedamiła Słužba achovy dziaržmiažy Litvy.
U piatnicu la darohi była zatrymanaja hrupa padazronych asob u vioscy Tryčunaj, adtul da biełaruskaj miažy kala dvuch kiłamietraŭ.
Zatrymanyja, za vyklučeńniem adnoj žančyny, byli biez dakumientaŭ. Pamiežniki vyśvietlili, što 16 nielehałaŭ źjaŭlajucca hramadzianami Vjetnama, a 5 — Afhanistana.
SADMŁ pačała dasudovaje rasśledavańnie pa fakcie niezakonnaha pierasiačeńnia miažy. Usie nielehały paprasili prytułku ŭ Litvie. Paśla apytańnia nielehałaŭ raźmieściać u Centry rehistracyi zamiežnikaŭ u Rukle.
U hetym hodzie heta ŭžo druhaja zatrymanaja SADMŁ vialikaja hrupa nielehałaŭ, jakija trapili ŭ Litvu ź Biełarusi. 1 listapada ŭ hetym ža rajonie byŭ zatrymany taksama 21 nielehał z Vjetnama i Afhanistana.
0
0
0
0
0
0
