U Minsku mužčyna, pahražajučy zabojstvam, napaŭ na 13-hadovaha chłopčyka i abrabavaŭ kvateru 3

Sprava za razboj (č. 2 art. 207 Kryminalnaha kodeksa) raspačata Partyzanskim (Minska) rajonnym adździełam Śledčaha kamiteta ŭ dačynieńni da 23-hadovahaminčuka-elektrahazazvarščyka. Jon raniej byŭ asudžany za rabavańni i kradziažy.

Dniom 12 listapada 13-hadovy chłopčyk, viartajučysia sa škoły, zajšoŭ u padjezd svajho doma, što pa vulicy Filimonava.

Nieznajomy dahnaŭ školnika, nakinuŭ jamu na šyju skurany remień i ŭziaŭsia dušyć, pry hetym pryhraziŭ, što kali toj budzie kryčać — zabje.

Daviedaŭšysia, što baćkoŭ niama doma, złačyniec zapatrabavaŭ vieści da kvatery.

Uvajšoŭšy ŭ kvateru, jon adpuściŭ achviaru, zahadaŭ addać usie hrošy i zołata.

Pry hetym uvieś čas paŭtaraŭ, što kali jaho patrabavańni nie buduć vykonvacca, jon zabje chłopčyka.

Dzicia addało baćkoŭskija źbieražeńni i kaštoŭnaści. Košt skradzienaha — 105 młn. rubloŭ.

Akramia hrošaj, nažyvaj stali 22 załatyja vyraby. Pakidajučy kvateru, złačyniec zabraŭ u dziciaci mabilny telefon, a jamu zahadaŭ siadzieć u vannaj.

Apieratyŭnikam kryminalnaha vyšuku HUUS i Partyzanskaha RUUS spatrebilisia sutki, kab ustalavać asobu napadnika.

Zatrymany jon byŭ u adnym z kazino, dzie prajhravaŭ vykradzienyja hrošy.

Złačyniec paviedamiŭ, što šeść hadoŭ nazad žyŭ u domie, dzie ździejśniŭ napad, i viedaŭ pra zamožnaść paciarpiełych. Za razboj jamu pahražaje pazbaŭleńnie voli terminam da 15 hadoŭ z kanfiskacyjaj majomaści.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH