17 listapada da hadaviny śmierci viadomaha biełaruskaha krajaznaŭca i stvaralnika ŭnikalnaha muzieja ŭ Starych Darohach svajaki majuć namier adkryć pomnik hramadskamu dziejaču, a taksama naviedać miascovyja mohiłki dy raspavieści pra budučyniu pryvatnaj kalekcyi Anatola Biełaha.
Dla ŭšanavańnia pamiaci baćki sa Złučanych Štataŭ Amieryki pryjechała jaho dačka. Volha Biełaja zaprašaje žurnalistaŭ i ŭsich nieabyjakavych ludziej da budynka muzieja ŭ Starych Darohach (vuł. Sadovaja, 52) u subotu 17 listapada a 13 hadzinie.
Anatol Bieły naradziŭsia 10 śniežnia 1939 hoda ŭ Starych Darohach Minskaj vobłaści. Biełaruski hramadska-kulturny dziejač, vučony, kalekcyjanier, stvaralnik pryvatnaha mastackaha muzieja ŭ horadzie Staryja Darohi. Skončyŭ Biełaruski dziaržaŭny univiersitet (1967). Z 1995 hoda vykładaŭ u BDU. Staršynia hramadska-aśvietnickaha kłuba “Spadčyna” (1984). Člen Sajuza mastakoŭ Biełarusi (1995). Člen Sajuza biełaruskich piśmieńnikaŭ (1999). Prafiesar, dypłamant Mižnarodnaha Kiembrydžskaha centra (Anhlija, 1999). Člen Mižnarodnaj Akademii navuk Jeŭrazii (Minsk, 2005).
