Praapieravany ŭ Minsku kiraŭnik Masada pačuvajecca zdavalniajuča

Mieir Dahan.

Praapieryravany ŭ Minsku eks-kiraŭnik Masada Mieir Dahan adčuvaje siabie zdavalniajuča. Pra heta paviedamiŭ pasoł Izraila ŭ Biełarusi Iosif Šahał 20 listapada na pres-kanfierencyi ŭ Minsku.

Pavodle jaho słoŭ, ciapier Dahan usio jašče znachodzicca ŭ adnym ź miedycynskich centraŭ Izraila, dzie prachodzić kurs reabilitacyi.

«Učora razmaŭlaŭ ź jaho lekaram. Miarkujučy pa ŭsim, piečań pryžyłasia. Spadziajusia, što jon chutka adnovicca», — skazaŭ dypłamat.

Šahał padkreśliŭ, što dziakujučy «hetaj historyi biełaruska-izrailskija adnosny atrymali vielmi surjoznaha łabista». Pavodle słoŭ pasła, šmatlikija vysokapastaŭlenyja siabry Dahana «niekalki pa-inšamu zirnuli na Biełaruś».

Jak paviedamlałasia raniej, u pačatku kastryčnika ŭ Minsku Dahanu była praviedziena apieracyja pa pierasadcy piečani.

Apieracyju pravodziŭ francuzski chirurh ź biełaruskimi ŭračami na biełaruskim abstalavańni.

Pavodle infarmacyi izrailskich ŚMI, biełaruskaja klinika była vybrana jašče i tamu, što ŭ Hiermanii i ZŠA pryjšłosia b doŭha čakać čarhi na apieracyju, a apieryravać Dahana na radzimie nie ŭzialisia, bo dziejnyja praviły zabaraniajuć pravodzić transpłantacyju piečani pacyjentam starejšym za 65 hadoŭ.

Paviedamlałasia taksama, što pieršapačatkova Dahana płanavali apieryravać u Indyi, ale ŭłady hetaj krainy admovilisia pryniać jaho na lačeńnie z-za taho, što ŭ minułym jon kiravaŭ palityčnaj raźviedkaj.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH