Nacyjanalny bank nie bačyć padstavaŭ dla praviadzieńnia devalvacyi ŭ Biełarusi. Pra heta zajaviła 21 listapada žurnalistam staršynia praŭleńnia Nacbanka Nadzieja Jermakova.
«Devalvacyja u nas nie prahladajecca i nie praličvajecca. Na haryzoncie jaje niama», — padkreśliła kiraŭnik Nacbanka.
Jermakova taksama paviedamiła pra pazityŭnyja źmieny na rynku depazitaŭ, dzie nazirajecca nievialiki prytok pa ŭkładach u biełaruskich rublach.
«Heta, viadoma, dobra. Tut adyhrała rolu toje, što pavysilisia staŭki pryciahnieńnia. Ale prytok nievialiki», — skazała Jermakova. Jana adznačyła, što valutnyja ŭkłady taksama rastuć, pryčym trochi vyšejšymi tempami, čym u biełaruskich rublach, ale nie tak, jak heta było ŭ trecim kvartale. «U cełym ahulny prytok układaŭ jość», — kanstatavała kiraŭnik Nacbanka.
U kastryčniku była adznačana tendencyja adtoku rublovych układaŭ nasielnictva z bankaŭ. Nacbank raźličvaŭ u listapadzie pierałamać hetuju tendencyju.
0
0
0
0
0
0
