Anžalika i Mikałaj Ahurbaš pryniali rašeńnie pra raźviančańnie. Jany naviedali mitrapalita Fiłareta ŭ Minsku, jaki ich viančaŭ niekalki hadoŭ tamu. Uładyka zajaviŭ, što rašeńnie budzie pryniata praz 40 dzion.
Kali Anžalika ćviorda chacieła raźviančańnia, to Mikałaj nie chavaŭ nadziei, što ŭsio jašče možna ŭrehulavać i viarnuć. Adnak paśla taho, jak Ahurbašy pakinuli rezidencyju Fiłareta ŭ Minsku, pradstaŭnikam presy stała zrazumieła, što prymireńnie niemahčyma.
Jak śćviardžaje hazieta «Antienna», Anžalika stajała ŭ chole zapłakanaja, z čyrvonymi vačyma.Naŭrad ci jana mahła čakać, što Mikałaj raptam zrobić hałantny žest
i padoryć joj pierad žurnalistami vielizarny bukiet sa 101 biełaj ružy.Artystka doŭha admaŭlałasia ad jaho, a potym zajaviła ŭ kamieru:
«Vy źniali, što robić hety kłoun pad śviatymi sklapieńniami?»
Paśla takich niepryhožych słoŭ Mikałaj Ahurbaš sieŭ u mašynu i źjechaŭ, a Anžalika jašče niejki čas hutaryła z pamočnikam mitrapalita. Tolki tady, kali jana sieła ŭ aŭtamabil, to koratka skazała: «My budziem raźvienčvacca! U nas zapłanavana vielmi adkaznaja pracedura, i praz 40 dzion ŭsio budzie vyrašana».
A voś Mikałaj Ahurbaš paśla aŭdyjencyi ŭ mitrapalita Fiłareta adpraviŭsia ŭ Minski kafiedralny sabor, dzie pastaviŭ niekalki śviečak Mikałaju Uhodniku.Ahurbaš śćviardžaje, što maje namier usie hetyja 40 dzion praviaści ŭ paście, malitvach i razvažańniach. «Tak, ideja raźviančańnia naležyć mnie, i pryčyna hetaha prostaja: zdrada Anžaliki, jana zdradziła mnie jak mužčynu.
Anžalika zabyłasia ŭsio toje dobraje, što było ŭ nas za dziesiać hadoŭ šlubu, i pamiataje tolki drennaje», — zajaviŭ Ahurbaš.
Mikałaj raspavioŭ: «Na aŭdyjencyi jana tresła niekalkimi publikacyjami, u jakich ja skazaŭ niešta, što jaje ŭzrušyła. U adkaz ja spytaŭ: «A čamu ty nie pryniesła astatnija 250 artykułaŭ, dzie ahavorvaješ mianie?
«Nam kazali, što carkoŭny šlub mohuć skasavać tolki paśla 40 dzion,a Anžalika pierapytvała: «Ci nielha ci chutčej?» Moža, zamuž śpiašajecca?.. «
