Praciah «Bryhady»: byłyja bandyty stali deputatami +trejler 8

U čaćvier na minskija ekrany vychodzić film, jaki dakładna zrobić kasu.

«Bryhada. Naščadak» Dzianisa Alaksiejeva — paŭnamietražny praciah kultavaha bandyckaha sieryjała pačatku «nulavych».

Siužet «Bryhady», kazali stvaralniki, častkova hruntavaŭsia na realnaj historyi «soncaŭskaj» bandyckaj hrupoŭki.

Sieryjał «prajšoŭsia» pa balučych rasijskich temach — kryminał i karumpavanaja ŭłada, ekanamičny kryzis i narkotyki.

Adnačasova film, jak «Adnojčy ŭ Amierycy» ci «Chrosny baćka» Kopały,

prynios u rasiejskamoŭny maskult bandyckuju ramantyku, stvaryŭ vobrazy złačyncaŭ, jakim hladač moža supieražyvać.

U pačatku 2000-ch zahałoŭnaja muzyčnaja tema z «Bryhady» stajała rynhtonam na mabilnikach navat u dosyć intelihientnych na vyhlad ludziej. A ciapier pa NTV bandyckija sieryjały ź piersanažami roznaj stupieni stanoŭčaści iduć pa čatyry za viečar.

Adnačasova

«Bryhada, pakazanaja ŭ 2002-m, niby simvalizavaŭ raźvitańnie z «lichimi 90-mi» i nadychod pucinskaj stabilnaści:

pry kancy 15-sieryjnaj sahi hałoŭny jaje hieroj, Saša Bieły, uciakaŭ za miažu, a jaho tavaryšy-bandziuki hinuli.

I voś praź dziesiać hadoŭ režysior Dzianis Alaksiejeŭ vyrašyŭ źniać praciah, užo pra siońniašnija časy.

U filmie byłyja bandyty (tyja, što byli vorahami čaćviorki hałoŭnych hierojaŭ sieryjała) stali jak adzin deputatami.

Syn Sašy Biełaha Ivan, padobny da Džoni Depa (aktor Ivan Makarevič), viartajecca z ZŠA ŭ Rasiju. Byłyja vorahi baćki ciapier palujuć na jaho. Bo baćku im udałosia zabić jašče ŭ pačatku filma. Simvał bandyckich 90-ch Siarhiej Biazrukaŭ tolki razok milhanuŭ u kadry. Vidać, heta byŭ kampramis miž aktoram i režysioram:

Biazrukaŭ, zornaja karjera jakoha pačałasia z «Bryhady», u jaje praciahu zdymacca admaŭlaŭsia.

Dziejničajuć u filmie i rasijskija śpiecsłužby.

Ich uvasablaje supracoŭnik (aktor Ihar Žyžykin), tvaram padobny da Pucina, a habarytami — da Vałujeva.

U jakaści kamiea ŭ «Bryhadzie-2»

zadziejničany adyjozny deputat-žyrynoviec Dziaržaŭnaj Dumy Rasii Alaksiej Mitrafanaŭ.

Pad trejleram filma na Jutubie ŭžo bahata aburanych kamientaroŭ — maŭlaŭ, «nie kranajcie kłasiku». Ale za kvitkami buduć stajać čerhi: niechta zachoča ŭspomnić maładość, niechta i dahetul žyvie ŭ paralelnaj rečaisnaści «Bryhady», a kamuści budzie cikava zirnuć i paraŭnać: jak za dziesiać hadoŭ źmianiłasia Rasija i rasijskaje kino.

JUU

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH