U Biełarusi płanujecca ŭvieści hraničnyja abjomy spažyvańnia elektraenierhii, jakaja apłačvajecca pa lhotnym taryfie. Adpaviednyja dakumienty ŭžo padrychtavanyja, paviedamiŭ siońnia žurnalistam ministr enierhietyki Alaksandr Aziarec.
Miarkujecca, što limit spažyvańnia elektraenierhii, jaki apłačvajecca pa sacyjalnym taryfie, składzie dla kvater z hazavaj plitoj 150 kVt · h, dla kvater z elektraplitoj -- 250 kVt · h u miesiac.
U vypadku, kali abjom spažyvańnia elektraenierhii składzie da 300-400 kVt · h, budzie dziejničać 30% delta.Za astatniuju spažytuju elektraenierhiju apłata budzie ažyćciaŭlacca pa sabiekošcie.
Alaksandr Aziarec śćviardžaje, što bolš za 70% biełarusaŭ zhodnyja z pavyšeńniem taryfaŭ na elektraenierhiju da ŭzroŭniu jaje sabiekoštu.Na siońnia nasielnictva krainy spažyvaje kala 4 młrd. kVt · h elektraenierhii. Pry hetym 75% biełarusaŭ raschodujuć 2 młrd kVt · hadz, a 25% - stolki sama. U vyniku čverć spažyŭcoŭ elektraenierhii vykarystoŭvajuć jaje ŭ značna bolšaj kolkaści, čym inšyja.
U vyniku ŭźnikaje sacyjalnaja niespraviadlivaść, dakazvaje ministr. Kab jaje likvidavać, taryfy na elektraenierhiju buduć pierahledžanyja.
Uviadzieńnie limitaŭ dla fizičnych asob dazvolić źnizić rascenki na elektraenierhiju dla pramysłovych pradpryjemstvaŭ, spadziajecca ministr.
0
0
0
0
0
0
