Vysotka albo dzieviacipaviarchovik: što pabudujuć na Kastryčnickaj płoščy A jaki z varyjantaŭ padabajecca Vam? 13

Heta samy-samy centr Minska, centraviej nie byvaje. Nulavy kiłamietr, statusny Pałac Respubliki, hustoŭny ofis «Vełkama»… Da 2015 hoda pobač ź imi, na miescy ciapierašniaha muzieja Vialikaj ajčynnaj vajny, musić paŭstać hatel. Jak jon budzie vyhladać, jahonaja nazva ci prynaležnaść da mižnarodnych sietak — pakul nie vyznačany.

Asnoŭnych varyjantaŭ dva. Mahčyma, heta budzie 24-paviarchovaja vysotka, pabudavanyja ŭ tym samym styli, što i budynak kampanii Velcom.

Pa prajekcie, aproč jak minimum sta numaroŭ, budynak źmieścić mastackuju halereju i handlovy centr. Druhi varyjant, prapanavany bielhijskaj kampanijaj, nazva jakoj nie sustrakajecca ŭ krynicach, heta kompleks ź dzieviacipaviarchovika (apart-hatel) i siamipaviarchovaj haścinicy. Darečy, i hety budynak vykanany ŭ tym samym styli, što i Velcom na Internacyjanalnaj.

Spačatku isnavaŭ i treci varyjant hatela — architektar Viktar Kramarenka prapanoŭvaŭ pabudvać hmach na tym miescy, dzie ciapier mieścicca Velcom. Pry hetym muziej VAV zachoŭvaŭsia. Prajekt vyklikaŭ šmatlikija abureńni žycharoŭ horada i architektaraŭ, bo parušaŭ architekturny ansambl płoščy. Tady ž źjaviłasia infarmacyja, što hatel budzie naležać mižnarodnaj sietcy Kempinski — najstarejšaj jeŭrapiejskaj kampanii, jakaja z 1897 hoda stvaraje va ŭsim śviecie hateli kłasa «Luks».

Pavodle papiaredniaj infarmacyi,

abodva prajekty vyklikali skiepsis na horadabudaŭničaj radzie

, adnak kampanija-zakazčyk «Prudenka Inviestments ŁTD» razhladaje mienavita ich. Dyrekcyja kampanii admaŭlajecca ad kamientaroŭ. Kančatkovaje rašeńnie pa prajekcie, jak byccam, pieraniesłasia na luty 2013.

Rašeńnie prymaje horadabudaŭničy saviet.

Na dumku architektara Dźmitryja Sakałova, varyjanty mała roźniacca.

«Tut

abirajecca nie prajekt, a kolkaść pavierchaŭ

. — miarkuje architektar. — Abodva budynki padobnyja, i ja nie mahu skazać, kab niejki z hetych dvuch varyjantaŭ byŭ dobry. Kaniečnie, 24-paviarchovik nie ŭpišacca ŭ ahulny ansambl płoščy, adnak i prajekt apart-hatela nie pasuje da ansambla».

«Nasamreč, u sučasnym prajekcie budaŭnictva chmaračosa na Kastryčnickaj płoščy ŭ Minsku niama ničoha novaha. — raskazvaje śpiecyjalist pa architektury, błohier Darriuss. —

Vysotki tut prajektavalisia i adrazu paśla vajny

(naprykład, architektaram M.Paruśnikavym u styli znakamitych stalinskich vysotak Maskvy), i ŭ 1970-y. Ličyłasia, što zabudova Leninskaha praśpiekta na hetym učastku zmoža ličycca ŭdała zavieršanaj tolki ŭ vypadku ŭviadzieńnia ŭ jaje akcenta pavyšanaj paviarchovaści. Taki budynak musiŭ raźmiaścicca na viaršyni ŭzhorku, jakuju častkova Kastryčnickaja płošča i zajmaje. Inšaje pytańnie, nakolki ŭdała takaja vieža-akcent spałučałasia b sa sfarmiravanym manumientalnym nieakłasičnym ansamblem praśpiekta».

Niečaha šedeŭralnaha albo naadvarot złačynnaha ŭ abodvuch prajektach Darriuss nie bačyć.

«Abodva prajekty — nie adkryćcio, — miarkuje błohier. — Heta ŭmierana biaźlikija prykłady sučasnaj jeŭrapiejskaj biznes-architektury, jakoj, što praŭda, u Minsku pakul mała, zatoje šmat za šenhienskimi miežami našaj radzimy. Z adnaho boku, heta moža być i niabłaha: jany buduć nie tak kantrasna i nie z takim vyklikam hladziecca na fonie nieakłasiki, ź inšaha — možna šmat havaryć na temu, ci darečna ŭ samym centry horada budavać banalnuju „šklinu“ i ci nie lepiej, kali i ŭvodzić inšarodnaje źviano ŭ ansambl praśpiekta, to adrazu niazvykły, avanhardny budynak.

Jak by tam ni było,

7-paviarchovy varyjant vyhladaje bolš prymalnym rašeńniem

, čym 24-paviarchovaja vieža. Jon niadrenna spałučajecca z užo pabudavanym BC Velcom Centre i navat Pałacam Respubliki».

Paralelna da 2014 hoda ŭ Minsku płanujecca adkryć 19 roznych hatelaŭ — siarod jakich jość i haścinicy kłasa «luks». U pryvatnaści, kala Mastackaha muzieja pačałosia budaŭnictva «Chiłtana».

Juraś Uskoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH