Muziej pieršaha Hieroja Biełarusi Uładzimira Karvata adkryŭsia 28 listapada ŭ Breście ŭ siaredniaj škole № 8, dzie jon vučyŭsia.
U ekspazicyi pradstaŭlena kala 200 ekspanataŭ, jakija raskazvajuć pra žyćcio i podźvih vajennaha lotčyka. Heta dakumienty, fotazdymki, asabistyja rečy Uładzimira Karvata.
U centry muzieja raźmieščany zrobleny ŭ vyhladzie piacikancovaj zorki stend, dzie pradstaŭleny makiet viosak Arabaŭščyna i Vialikaje Hacišča Baranavickaha rajona. Canoj ułasnaha žyćcia Karvat nie dapuściŭ padziejańnia samalota na hetyja nasielenyja punkty.
Jak paviedamiła žurnalistam kiraŭnik muzieja Alena Kitlenka, u 1996 hodzie ŭ školnym muziei bajavoj słavy była adkryta ekspazicyja, pryśviečanaja Uładzimiru Karvatu.
«Usie hetaja hady my padtrymlivajem suviaź ź jaho rodnymi i tavaryšami pa słužbie. I heta dazvoliła sabrać tyja pradmiety, jakija siońnia možna ŭbačyć u muziei, u pryvatnaści kaścium Uładzimira Karvata dla vyšynnych palotaŭ, jaho paradnaja šyniel, lotnyja knihi, šlemy, rabočaja kurtka», — adznačyła Kitlenka.
U cyrymonii adkryćcia muzieja ŭdzielničali pradstaŭniki miascovaj ułady,
U hety ž dzień u Breście da pomnika hieroju, ustanoŭlenaha na bulvary Kasmanaŭtaŭ, byli ŭskładzieny kvietki.
***
Uładzimir Karvat naradziŭsia 28 listapada 1958 hoda ŭ Breście. U 1981 hodzie skončyŭ Armavirskaje vyšejšaje vajennaje avijacyjnaje vučylišča lotčykaŭ. Słužyŭ na Dalokim Uschodzie, sa žniŭnia 1994 hoda — u Biełarusi. Padpałkoŭnik, vajenny lotčyk
Zahinuŭ pry vykanańni vučebnaha palotu 23 maja 1996 hoda.Canoj svajho žyćcia nie dapuściŭ padziejańnia pałajučaha samalota na nasielenyja punkty pad Baranavičami. Ukazam prezidenta ad 21 listapada 1996 hoda Karvatu pieršamu ŭ krainie było prysvojena zvańnie Hieroja Biełarusi (paśmiarotna). Pachavany ŭ Breście na mohiłkach «Płoska».
