Prezident Biełarusi Alaksandr Łukašenka 1 maja prybyvaje z trochdzionnym vizitam u Azierbajdžan, pieradajuć azierbajdžanskija ŚMI.
Načalnik pres‑słužby kiraŭnika biełaruskaj dziaržavy Pavieł Lohki admoviŭsia paviedamić BiełaPAN, kali samalot z delehacyjaj vylecić ź Minska.
Pavodle infarmacyi ahienctva Day.Az, A.Łukašenka i asoby, jakija jaho supravadžajuć, naviedajuć mahiłu ahulnanacyjanalnaha lidera azierbajdžanskaha naroda Hiejdara Alijeva ŭ Alei hanarovaha pachavańnia. Paśla cyrymonii aficyjnaj sustrečy ŭ prezidenckim pałacy adbudziecca sustreča prezidenta Azierbajdžana Ilchama Alijeva i A.Łukašenki sam‑nasam i ŭ pašyranym składzie, padpisańnie šerahu dakumientaŭ, jakija tyčacca supracoŭnictva pamiž dźviuma krainami. Kiraŭniki dziaržaŭ praviaduć sumiesnuju pres‑kanfierencyju. Taksama namiečana sustreča prezidenta Biełarusi z premjem‑ministram Azierbajdžana Arturam Rasi‑zade.
Akramia hetaha, A.Łukašenka naviedaje Fond Hiejdara Alijeva, voźmie ŭdzieł u adkryćci nacyjanalnaj vystavy Respubliki Biełaruś u Azierbajdžanie.
Pavodle infarmacyi karespandenta RIA «Novosti» ŭ Baku, čakajecca, što padčas vizitu buduć padpisany, u pryvatnaści, Dahavor ab družbie i supracoŭnictvie pamiž Azierbajdžanam i Biełaruśsiu, a taksama pahadnieńni ab supracoŭnictvie ŭ halinie vieterynaryi, piensijnaha zabieśpiačeńnia, kiravańnia dziaržmajomaściu i pryvatyzacyi, ab pracoŭnaj dziejnaści i sacyjalnaj abaronie hramadzian dźviuch krain, jakija časova pracujuć na terytoryi Azierbajdžana i Biełarusi, u śfiery karancina i achovy raślin
