U Biełarusi pražyvaje 696 čałaviek va ŭzroście 100 i bolš hadoŭ, siarod ich 14 doŭhažycharoŭ, jakija adznačyli 110‑hodździe, paviedamlaje pres‑słužba Ministerstva pracy i sacabarony. Siarod doŭhažycharoŭ tolki 100 mužčyn.
Siońnia starejšaj žycharkaj krainy źjaŭlajecca Hanna Rahiel, u pašparcie jakoj paznačana data naradžeńnia: 4 lipienia 1889 hoda. U sakaviku hetaha hoda pamierła minčanka Hanna Barysievič, jakoj spoŭniłasia 118 hadoŭ.
Pa kolkaści doŭhažycharoŭ pieršaje miesca zajmaje Hrodzienskaja vobłaść (182 čałavieki), na druhim miescy — Minskaja (139). U stalicy pražyvaje 52 doŭhažychary.
Nahadajem, pavodle danych na vierasień minułaha hoda, u Biełarusi pražyvali 720 doŭhažycharoŭ — ludziej, jakija dasiahnuli 100‑hadovaha ŭzrostu, i 22 čałavieki va ŭzroście bolš za 110 hadoŭ.
Jak paviedamlaŭ BiełaPAN u studzieni 2007 hoda, u Biełarusi praciahvajuć pracavać krychu bolš za tysiaču piensijanieraŭ, jakim spoŭniłasia 80 hadoŭ. Pavodle danych Minpracy i sacabarony, u krainie naličvajecca kala 2,5 młn. piensijanieraŭ, ź ich praciahvajuć pracavać kožny piaty.
